Búgin saǵat 20:00-de Qaratomar sý qoımasynan Qostanaı qalasyna qaraı sekýndyna 1000 tekshe metr tranzıttik sý jiberile bastady. Mol sý Sergeevsk qulamasy arqyly Amangeldi sý qoımasyna quıylady.
«Sý jiberý kólemi sekýndyna 1500 tekshe metrge jetse nemese ol shamadan da kóp bolyp ketse, Tobyl ózeni arnasynan asýy múmkin. Sý basý qaýpine baılanysty Qostanaı, Tobyl qalalaryndaǵy ózen boıyna jaqyn ornalasqan kóshelerdiń, saıajaılar, eldi mekenderdiń turǵyndary, saýda - oıyn-saýyq ortalyqtary, demalys oryndary evakýasııalanady», dep habarlady oblystyq jedel shtab.
Jedel shtab turǵyndardan bos dúrligýden saqtanýdy suraıdy. Jergilikti ózin-ózi basqarý organdary jaǵdaıdy baqylaýda ustap otyr. Qajetti evakýasııa pýnktteri, tehnıka, qaptar, ınertti materıaldar daıyn.
Polısııa departamenti avtokólikterdiń barlyq túri úshin oblystyq mańyzy bar joldardyń jabylǵanyn málimdedi.
Qostanaı oblysy