Kesheden beri arnasynan asyp-tógilip tasyp jatqan Tobyl ózeniniń qarqyny báseńder emes. Qostanaı aýdany ákimdiginiń baspasóz qyzmeti ózenge jaqyn jatqan Mıchýrın eldi mekeninde 9 aýlaǵa sý kirgenin habarlady. Atalǵan eldi mekennen 75 adam evakýasııalanǵan.
«Sonymen qatar turǵyndardyń qorasyndaǵy 69 bas iri qara, 21 usaq mal qaýipsiz jerdegi «Iolýchev» sharýa qojalyǵynyń jaıylymyna shyǵaryldy. О́kinishke qaraı, turǵyndardyń kóbi baspanasyn tastap ketýge qımaı, evakýasııadan bas tartyp jatyr. Osy jaǵy qıyndyq týǵyzyp jatyr. Negizi, qaýiptiń aldyn alý is-sharalary aıasynda aparattyq-túsindirý jumystary áldeqashan júrgizilgen», deıdi aýdan ákimdiginiń baspasóz hatshysy Anar Qazykenova.
Qostanaı oblysy