El Prezıdenti zardap shekkenderdiń eshqaısysy nazardan tys qalmaıtynyn aıtqany málim. Sý tasqynynan zardap shekkender sanatyna jatqyzylǵan azamattardyń shyǵyndary qalaı óteledi? О́zekti aqparat Úkimet usynǵan málimetterde kórsetilgen, dep habarlaıdy Egemen.kz.
Tasqynnan zardap shekken azamattardyń nesıesi shegerile me?
Ákimdik tizimderi boıynsha sý tasqynynan zardap shekkender sanatyna jatqyzylǵan barlyq azamattarǵa 3 aıǵa nesıe tólemderin avtomatty túrde keıinge shegerý múmkindigi beriledi, sonymen qatar tólemderdi keshiktirgeni úshin aıyppuldar men ósimpuldar salynbaıdy.
Atalǵan sanattaǵy azamattarǵa birrettik tólem qarastyrylǵan ba?
Sý tasqynynan zardap shekken jáne qıyn jaǵdaıǵa tap bolǵan turǵyndar ákimdikke tıisti ótinishpen júginý arqyly bir rettik tólem ala alady.
Zalaldy kim anyqtaıdy?
Zalaldyń aldyn ala mólsherin jergilikti atqarýshy organdar, ónerkásip jáne qurylys, sondaı-aq tótenshe jaǵdaılar mınıstrlikteri aıqyndaıdy. Qosymsha qajettilik týyndaǵan jaǵdaıda qarjylandyrý Úkimet rezervinen qarastyrylady.
Is-áreket algorıtmi qalaı bolmaq?
Shyǵyndy óteý komıssııasy jumys isteıdi. Materıaldyq shyǵyndardy óteý týraly ótinishter atalǵan komıssııaǵa kelip túsedi, tótenshe jaǵdaı týyndaǵan kúnnen bastap kúntizbelik 30 kún ishinde jergilikti atqarýshy organdarǵa materıaldyq zalaldy óteý týraly ótinish beredi. Jergilikti atqarýshy organ ótinish tirkelgen kúnnen bastap 10 jumys kúni ishinde keltirilgen zalaldyń mólsherin baǵalaıdy. Turǵyn úıi qaýipti dep tanylǵan zardap shekken azamattardyń tizimin jergilikti ákimdikter jasaıdy.Aıta ketsek komıssııa ókilderi sý tasqynynan qansha adamnyń zardap shekkenin, qansha úı men nysanǵa zaqym kelgenin, barlyq shyǵyn kólemin eseptep, sheshim shyǵarady.
Sonymen qatar «Qazaqstan halqyna» qory elimizdegi sý tasqynynan zardap shekkenderge 5 mlrd teńge bóledi. Bul qarajat úı salýǵa jumsalady.