Tótenshe jaǵdaılar mınıstrligine qarasty Aazamattyq qorǵanys jáne áskerı bólimder komıtetiniń aǵa ofıseri Erasyl Saıpash sý tasqyny saldarynan qansha úı sý astynda qalǵany týraly málimet usyndy, dep habarlaıdy Egemen.kz.
Azamattyq qorǵanys qyzmetteri 76 myńǵa jýyq adamdy, onyń ishinde 30 myńǵa jýyq balany jáne 45 múmkindigi shekteýli azamatty qaýipsiz orynǵa jetkizgen.
Onyń aıtýynsha, ýaqytsha panalaý beketterine 7 703 adam, onyń ishinde 3 266 bala ornalastyrylǵan. Tótenshe jaǵdaılar, Qorǵanys mınıstrligi jáne Ulttyq ulannyń áýe kemeleri qutqarý jumysyn áli júrgizip jatyr.
«7 mln 828 myńnan astam tekshe metr erigen qar sýy shyǵaryldy. 1090-nan astam qumqap pen 996,1 myńnan astam tonna ınertti materıal tóseldi», dedi ol.
Erasyl Saıpashtyń málimetinshe, tasqynnan qutqarý jumystaryna 16 myńǵa jýyq adam, 3 myńǵa jýyq tehnıka, 6 áýe kemesi jumyldyrylǵan.
«Atyraý, Aqtóbe, Aqmola, Qostanaı, Batys Qazaqstan, Soltústik Qazaqstan, Pavlodar oblystarynda 3 412 jeke turǵyn úı, 421 aýla jáne 1 926 saıajaı úıi sý astynda qaldy», dedi TJM ofıseri.