Atyraý oblystyq jedel shtabtyń málimetine súıensek, Jylyoı aýdanynyń sý basqan eldi mekenderinen 30 myńnan astam turǵyn evakýasııalanǵan, dep habarlaıdy Egemen.kz.
Oblystyq bilim basqarmasy basshysynyń mindetin atqarýshy Sveta Amanshıevanyń aıtýynsha, evakýasııalanǵan otbasylardyń balalaryn qashyqtan oqytý uıymdastyrylady. Bul aýdandaǵy jaǵdaı turaqtanǵanǵa deıin jalǵasady.
«Onlaın formatta bilim alatyndardyń qatarynda Qulsary qalasynan «Teńiz» ken ornyndaǵy vahtalyq kentke, Atyraý qalasyna evakýasııalanǵan otbasylardyń balalary bar. Sý tasqynyna baılanysty turǵyndardyń bir toby Mańǵystaý oblysyna jetkizildi. Olardyń balalary sol óńirdiń bilim bólimderi arqyly oqytylady», dedi Sveta Amanshıeva.