Volonterler atyraýlyqtarǵa kómekke jetti. Apattan zardap shekken aǵaıynǵa «Jastar rýhy» jastar qanatynyń eriktileri «Biz Birgemiz» qoǵamdyq qorynyń qoldaýymen azyq-túlikpen qatar jylý generatorlary, kıim-keshek jáne qaıyqtar jetkizdi.
Búginde tótenshe jaǵdaı ýaqytynda jastar qanatynyń 2 myńnan asa volonteri bılikpen birlese, halyqqa járdem berip jatyr. «Kúshimiz – birlikte!» dep urandatqan olar Abaı, Aqmola, Aqtóbe, Atyraý, Batys Qazaqstan, Qaraǵandy, Qostanaı, Pavlodar, Soltústik Qazaqstan jáne Ulytaý oblysynda júr. Biri tasqynnan tosyrqap qalǵandardyń as-aýqatyn úılestirse, endi biri qarǵyn sýǵa qarsy bóget jasaqtap jatyr.
– Atyraý oblysyn sý basý qaýpi bar degendi estip, birden Astana qalasynan jolǵa shyqtyq. Aqtaýlyq eriktiler de qol qýsyryp qalmady. Qazirgi tańda qum toltyrylǵan qapshyqtardan bógetterdi ornalastyrý, turǵyndardy qaýipsiz jerlerge evakýasııalaý boıynsha jumystarǵa belsene aralasyp jatyr. Sondaı-aq «Biz Birgemiz» qoǵamdyq qorynyń qoldaýymen Beıneý aýdany men Atyraý oblysyndaǵy evakýasııalanǵan turǵyndarǵa gýmanıtarlyq kómek jetkizildi. Túni boıy bizdiń volonterler olardy suryptap, tańda halyqqa tabystady. Qyzyl sý jaılaǵan aımaqtarda kúndiz-túni jumys istep, halyqtyń qaýipsizdigin qamtamasyz etip júrgen qutqarýshylarǵa aýyzashar ýaqytynda ystyq tamaq pen shaı úlestirip jatyrmyz. Jalpy, elimiz boıynsha eriktilerdiń kómegimen 20 myń ınerttik materıal toltyrylǵan qapshyqtardan bógetter ornalastyryp, aımaqtar barlyǵy 250 tonna gýmanıtarlyq kómekpen qamtamasyz etti. Sý tasqyny seıilip, jaǵdaı ornyqqanǵa deıin eriktiler kúshi halyqqa kómek kórsetýge jumyldyrylady. Jyl boıy qaýipsizdik is-sharalary qamtylǵan arnaıy kýrstardan ótkizdik. Halyqaralyq lagerge de arnaıy mamandardy shaqyryp, dáristerin tyńdaǵan edik. Osy sátte barsha eriktilerge sheksiz alǵysymdy bildirgim keledi, – dedi «Jastar rýhy» jastar qanatynyń tóraǵasy Aqerke Eskendirova.
Eriktilerdiń basyn biriktirip, táýlik boıyna kómek kórsetip júrgen «Jastar rýhy» JQ Atyraý oblystyq fılıalynyń tóraǵasy Abylaı Qurmetuly qolushyn sozǵysy keletin azamattar kóbeıip jatqanyn aıtty.
Osylaısha, Atyraý oblysynda tynbaı eńbek etip júrgen volonterlerdiń qatarynan tabylǵandardyń biri – aqtaýlyq Amanbek Saılaýov.
– Elimizde oryn alǵan jaǵdaıǵa beıjaı qaraı almadyq. Bir top mańǵystaýlyq rýhtastar bolyp Atyraý oblysyna kelip jettik. «Saýsaq birikpeı, ıne ilikpeıdi» degendeı, barshamyz birigip qoldan kelgen kómekti kórsetemiz, – dedi Amanbek.
Sondaı-aq ońtústik aımaqtardaǵy eriktiler de shet qalmady. Shymkent qalasy men Qyzylorda, Túrkistan oblystarynyń rýhtastary batys óńirlerge gýmanıtarlyq kómek jınap, ony aımaqtarǵa jetkizip, úlestirý jumystaryna atsalysty. Atap aıtsaq, Túrkistan oblysy – 30 tonna, Shymkent qalasy – 20 tonna, Qyzylorda oblysy 45 tonna kómek jóneltti. Al astanalyq volonterler Qostanaı, Aqtóbe, Batys Qazaqstan oblystaryna gýmanıtarlyq kómek daıyndady. 20-ǵa jýyq volonter Qaraǵandy oblysynyń Shet aýdanynyń shalǵaı aýyldaryna baryp, tikushaq arqyly jedel járdem jumystaryna qatysty.
Aıta keteıik, «Jastar rýhy» JQ fılıaldary janynan jedel áreket etýshi Respýblıkalyq volonterler shtaby quryldy. Munda apattan zardap shekken azamattar men Jastar qanaty volonterleriniń qataryna qosylamyn deıtin jastar júgine alady. Shtabtardyń baılanys nómirleri Jastar qanatynyń Instagram áleýmettik jelisindegi @jastar_ruhy paraqshasynda kórsetilgen.