Aldaǵy qyrkúıek aıynyń 8-18 kúnderi Astana qalasynda V Dúnıejúzilik kóshpendiler oıyny ótetini jaıly kópshilik habardar. Atalmysh shara álemdik etnıkalyq sport túrlerin nasıhattaýdyń biregeı úlgisi retinde baǵalanýda, dep jazady Egemen.kz.
Osy oraıda, joǵarydaǵy mártebeli jarystyń alǵashqy daıyndyǵy ispetti 15-18 sáýir kúnderiShymkent shaharynda tuńǵysh ret Jamby atýdan eresekter arasynda Azııa chempıonaty ótkeli jatyr. Bul saıysqa Indonezııa, Kýveıt, Qyrǵyzstan, Qytaı, Mońǵolııa, Oman, О́zbekstan, Pákistan, Reseı, Saýd Arabııasy, Sırııa, Taılandjáne Qazaqstan qatarly 30 eldiń 60 astam mergenderi «Majar», «Azııa», «Túrki» stılderi boıynsha saıysqa túsedi dep kútilýde.
Osy oraıda, joǵarydaǵy memleket ókilderiniń qatysýmen tarıhta tuńǵysh ret qazaqtyń tól óneri «Jamby atý» stıli boıynsha Azııa qurlyq federasııasy qurylyp, onyń basshylyǵyna qazaqstandyq bıznesmen Erkebulan Ilııasov saılandy. Bolashaqta federasııanyń keńsesi Qazaqstanda ornalasatyndyqtan jıynǵa qatysýshy ókilder atalym mekemeniń atqarýshy dırektory retinde usynylǵan Elnur Isaquldyńkandıtatýrasyn bekitti.
Sondaı-aq, jańadan qurylǵan federasııaynyńvıse-prezıdenti bolyp qytaı eliniń ókili DjangLı myrza saılansa, tóreshilerge tóraǵalyq etý mindeti Ońtústik Afrıka eliniń azamaty AmalıRachkege júkteldi.
Bas qosý barysynda, Qazaqstan Respýblıkasy Jamby atý federasııasynyń vıse-prezıdenti Baqdáýlet Sábıtov, jınalǵan kópshilikke Azııa jamby atý federasııasynyń aldaǵy bes jyldyq jumys josparymen tanystyryp, uıym quramyna engen elderge Jamby atý sporty boıynsha bolashaqta qoldaýlar bolatynyn jetkizdi.
«Búgin biz tarıh betinde iz qaldyratyn, erekshe oqıǵaǵa kýá bolyp otyrǵanymyz. At ústinde sadaq atýdan Azııa federasııasynyń basty maqsaty – qazaqtyń mergendik óneri «Jamby atý» stılin 2030 jyly Dohada ótetin jazǵy Azııa oıyndarynaengizý. Osy maqsatta Qazaqstan tarapy federasııaǵa múshe memleketterdiń mergenderin qoldaýǵa daıyn. Sonyń bir dáleli – aldaǵy tórtjylda federasııa múshe memleketterge eshqandaı jarna tóletpeıdi jáne qarjylyq kómek kórsetedi», Baqdáýlet Maratuly.
Jıyn ústinde federasııaǵa jańadan múshe bolǵan memleket ókilderi ózderin tolǵandyrǵan saýaldaryn qoıyp, tushymdy jaýap aldy. Buıyrsaaldaǵy ýaqytta Jamby atýdan jyl saıyn dástúrli túrde Azııa chempıonaty, Azııa kýbogi jáne halyqaralyq týrnırler ótkizip turýǵa toqaılasty.