Buǵan deıin apatty jáne úsh aýysymdy mektepter máselesin sheshý maqsatynda Bilim berý ınfraqurylymyn qoldaý qorynyń esebinen 76 738 orynǵa arnalǵan 62 mekteptiń qurylysy qarjylandyrylǵan. Búgingi kúnge deıin 62 mekteptiń 37-si iske qosylyp, oqýshylardyń paıdalanýyna berildi, dep habarlaıdy Egemen.kz QR Oqý-aǵartý mınıstrliginiń baspasóz qyzmetine silteme jasap.
Bilim berý nysandaryn iske qosý nátıjesinde óńirlerde 48 myń jańa oqýshy orny paıda boldy. Kópshiligi iri megapolısterde jáne olarǵa jaqyn aglomerasııalarda ornalasqan.
«Qor Qazaqstannyń bilim berý salasyndaǵy jobalardy iske asyrý boıynsha belsendi jumys istep jatyr. Qordyń qyzmeti mektepter, olarǵa qosymsha qurylys nysandaryn, ınternattar salý, rekonstrýksııalaý arqyly úsh aýysymdy, apatty mektepter men oqýshy ornynyń jetispeýshiligin joıýǵa baǵyttalǵan. Máselen, osy jyly 28 myń oqýshy ornyna arnalǵan taǵy 25 mektepti iske qosý josparlanyp otyr», dedi ınfraqurylymdy damytý departamenti dırektorynyń m.a. Marlen Qasenov.Esterińizge sala keteıik, 2024 jyldyń basynda Bilim berý ınfraqurylymyn qoldaý qorynyń qarajaty esebinen shamamen 15 myń oryndyq taǵy 20 jańa mektep salynatyny belgili boldy.