Depýtat Serik О́teshov Qaraǵandy oblysynda óńir aýdandarynyń jaǵdaıymen tanysty. Senator qorǵanys bógetterin kúsheıtý, oıpat jerlerge maıda tastar men topyraq tógý, qum salynǵan qaptar qoıylǵan ýchaskelerdi qarap shyqty.
Sondaı-aq senator Shet aýdanyndaǵy úılerin sý basqan turǵyndarǵa baryp, tasqynnan zardap shekken adamdarǵa kórsetiletin memlekettik qoldaý sharalary týraly aýyl turǵyndaryna aıtyp berdi.
Saǵyndyq Luqpanov Atyraý oblysynda jergilikti atqarýshy organdarmen tasqyn sýǵa daıyndyq barysyn talqylap, «Sokolok» arnasymen qatar jańadan ekinshi sý ótkizý arnasyn salýdyń mańyzdylyǵyn atap ótti. Jańa 24 shaqyrymdyq jeli sýdy qaladan alystatýǵa múmkindik beredi.
Senat depýtaty Lázzat Rysbekova Batys Qazaqstan oblysynda Oral qalasynyń jaǵalaý aýdandarynda qorǵanys bógetterin salý barysyn tekserdi. Bul aýmaqta bóget salý jumystary belsendi jalǵasyp jatyr. Senator sondaı-aq tasqyn sýdan zardap shekken azamattarmen kezdesip, olarǵa evakýasııalyq pýnktterdiń jumysy jáne birjolǵy materıaldyq kómek alý men turǵyn úılerdi qalpyna keltirýge qujattardy qabyldaý pýnktine qalaı ázirleý kerektigi týraly aıtyp berdi.