Batys Qazaqstan oblysyna jumyldyrylǵan Astana qalasynyń TJD qutqarýshylary sý tasqynyna qarsy jumystarǵa belsene qatysyp, baspanasy sýǵa batqan turǵyndardy evakýasııalap jatyr, dep jazady Egemen.kz QR TJM baspasóz qyzmetine silteme jasap.
Elordalyq tótenshelikter 23 saıajaı birlestiginiń 1000-nan astam aýlalaryn aralap, birneshe otbasy men úı janýaryn evakýasııalady.
Sonymen qatar qutqarýshylardyń kúshterimen ınertti materıal toltyrylǵan 2000-nan astam qap tóseldi.
Al Batys Qazaqstan oblysy TJD qutqarýshylary Oral qalasynyń Kýrenı aýdanynda jaǵalaýdy nyǵaıtý boıynsha jumystar keshenin júrgizip jatyr. Qutqarýshylar Jaıyq ózeniniń jaǵalaý syzyǵyn tolqyndar men kúshti aǵynnyń áserinen erozııadan qorǵaý úshin beton plıtalaryn tósep júr.