Búgin Qazaqstan para sportshysy Temirhan Daıyrbek akademııalyq eskek esýden Parıj-2024 Paralımpıada oıyndaryna lısenzııa utyp aldy. Azııa chempıonaty sáýirdiń 18-21 kúnderi Ońtústik Koreıanyń Chýndja qalasynda ótti, dep habarlaıdy Egemen.kz.
Mınıstrliktiń baspasóz qyzmetiniń málimetinshe PR1m1X akademııalyq eskek esýden 2000 metr qashyqtyqty 9 mınýt 38.81 sekýndta ótip, birinshi orynǵa ıe bolǵan Temirhan Daıyrbek – 2004 jylǵy, Túrkistan oblysynyń sportshysy. Para akademııalyq eskek esýmen 1 jyldan beri ǵana kásibı turǵyda aınalysyp keledi. Onyń jeke treneri Farrýh Hamrakýlov. Bul Parıj-2024 Paralımpıadasyna utyp alǵan 12-nshi lısenzııa. Buǵan deıin para paýerlıftıngten Davıd Degtıarev, para kanoedan Bıbarys Spataı, para jeńil atletıkadan Dastan Muqashbekov, para oq atýdan Erkin Ǵabbasov, voleıboldy otyryp oınaýdan ulttyq qurama komandasy, para júzýden 3 lısenzııa jáne para taekvondodan Kamılıa Dosmalova, Nyshan Omıralı, Nurlan Dombaev alǵan bolatyn. Aıta ketsek Parıj Paralımpıadasy tamyzdyń 28-i – qyrkúıektiń 8-i aralyǵynda ótedi.