20 sáýir kúni elimizdiń birneshe óńirinde 5 bala oqys oqıǵaǵa tap boldy. Onyń ekeýi sýǵa batsa, úsheýi terezeden qulap ketken. Bul týraly Bala quqyqtary jónindegi ýákil Dınara Zákıeva áleýmettik jelidegi paraqshasynda jazdy, dep habarlaıdy Egemen.kz.
«Bir kúnniń ishinde 2 bala sýǵa batyp, úsh bala terezeden qulap ketti. Balalardy sý qoımalarynyń janynda jalǵyz qaldyrmańyz, terezelerge qorǵanysh qulyptar ornatyńyz. Olardyń qaýipsizdigi óz qolymyzda», dep jazdy Dınara Zákıeva.
Kún raıy jylynyp, osyǵan uqsas jaǵdaılar jıilegen. Máselen, 17 sáýirde Qaraǵandyda kópqabatty úıdiń terezesinen úsh jasar sábı qulasa, 20 sáýirde tórt jasar qyz ekinshi qabattyń terezesinen qulap ketken. Pavlodarda sábı tórtinshi qabattan qulady. Alaıda onyń eshbir jerinen synyq, jaraqat baıqalmaǵan.
Ýákil balalardyń qaýipsizdigin qorǵaý týraly zańǵa engizilgen túzetýde búldirshinderdiń qaýipsizdigin qamtamasyz etpegen ata-analardy jaýapqa tartý kózdelgenin eske saldy.