Búgin Ulttyq akademııalyq kitaphanada jazýshy, ǵalym, professor Darhan Qydyráliniń qyrǵyz tilinde jaryq kórgen «Mustafa», «Abyzdar Amanaty», «Tamyr», «Núkte fılosofııasy» jáne «Tashka Jazylgan Taryh» kitaptarynyń tusaýkeseri ótti. Saltanatty is--sharaǵa Qazaqstannyń zııaly qaýym ókilderi, Parlament depýtattary men qoǵam ókilderi qatysty, dep habarlaıdy Egemen.kz Senattyń baspasóz qyzmetine silteme jasap.
Senat Tóraǵasy Máýlen Áshimbaev usynylǵan kitaptardyń ulttyq biregeılikti saqtaýda tarıhı mańyzy bar ekenin atap ótti. Onyń aıtýynsha, sııasy keppegen jańa kitaptar biregeı tarıhı málimetter men muraǵat materıaldaryn jan-jaqty qamtyǵan.
«El Prezıdenti Qasym-Jomart Toqaevtyń tapsyrmasy boıynsha elimizde Qazaqstannyń jańa akademııalyq tarıhyn jazý baǵytynda maqsatty jumystar qolǵa alyndy. Otandyq ǵalymdar men tarıhshylar kóne zamannan búginge deıingi kezeńdi qamtıtyn jeti tomdyq eńbekti ázirlep jatyr. Kóptomdyqtyń basty maqsaty – táýelsizdigimizdiń tarıhyn tereń uǵynyp, tarıhymyzdy obektıvti túrde qabyldaýdy qalyptastyrý. Osynyń barlyǵy búgin tusaýy kesilgen «Mustafa», «Abyzdar Amanaty», «Tamyr», «Núkte fılosofııasy» jáne «Tashqa jazǵan tarıh» kitaptaryndaǵy ıdeıalarmen tyǵyz astasyp jatyr», dedi Máýlen Áshimbaev.
Sondaı-aq is-sharada kórnekti memleket jáne qoǵam qaıratkerleri, zııaly qaýym ókilderi, ǵalymdar, jazýshylar men jýrnalıster sóz sóıledi.
Qyrmyzy JUMAǴALIQYZY,
EUÝ stýdenti