Qurlyq áskerleriniń áskerı ınstıtýtynda Saǵadat Nurmaǵambetovtiń 100 jyldyǵyna arnalǵan III Halyqaralyq ǵylymı-praktıkalyq konferensııa ótti.
Ázerbaıjan, Armenııa, Belarýs, Qyrǵyzstan, Tájikstan, О́zbekstan áskerı oqý oryndarynyń ókilderine beınekonferensııa uıymdastyryldy.
Is-sharaǵa «Qazaqstan ardagerleri» Aýǵan soǵysy ardagerleri qaýymdastyǵynyń tóraǵasy Baqytbek Smaǵul, Halyq qaharmanynyń nemeresi Aıjan Nurmaǵambetova, elimizdiń kúsh qurylymdary oqý oryndarynyń kýrsanttary, JOO-nyń stýdentteri, magıstranttary men doktoranttary, Baýyrjan Momyshuly atyndaǵy «Jas ulan» respýblıkalyq mektebiniń tárbıelenýshileri qatysty.
Konferensııa jumysy eki seksııa boıynsha uıymdastyryldy. Onda qazirgi jaǵdaıda áskerı ǵylymdy damytý, ıdeologııalyq jumys, áskerı oqytý jáne tárbıe salasyndaǵy ǵylymı qyzmetti jetildirý máseleleri talqylandy. Ulttyq qaýipsizdik jáne halyqaralyq áskerı yntymaqtastyq taqyryptary da qozǵaldy.
UQK akademııasynyń basshysy, Ulttyq qaýipsizdik general-maıory Ahat Muqashev, Qurlyq áskerleri áskerı ınstıtýty bastyǵynyń birinshi orynbasary, polkovnık Jánibek Sarǵazın jáne basqalar baıandama jasady.
Konferensııa qorytyndysynda áskerı ǵylymdy odan ári damytý jóninde qarar qabyldanyp, qaýipsizdik salasynda usynymdar ázirlendi. Qatysýshylarǵa sertıfıkattar men estelik syılyqtar berildi.
ALMATY