«Taza Qazaqstan» ekologııalyq aksııasy aıasynda «Semeı ormany» aýmaǵynda «Semeı ormany – jasyl aımaq» aǵash otyrǵyzý naýqany ótti. Ekologııalyq is-sharada ótken jyly aýmaǵyn órt shalǵan qaraǵaıly ormandy qalpyna keltirý maqsaty kózdeldi. Oblys bıligi men turǵyndardyń bul bastamasyn Prezıdent Qasym-Jomart Toqaev qoldady. Bul týraly Memleket basshysynyń keńesshisi ári baspasóz hatshysy Berik Ýálı áleýmettik jelide habarlady, dep jazady Egemen.kz.
«Memleket basshysy Qasym-Jomart Toqaev Semeı qalasy tóńiregindegi órtengen qaraǵaıly ormandy qalpyna keltirý jónindegi jergilikti turǵyndardyń bastamasyn qoldady», delingen Berik Ýálıdiń jazbasynda.
Ekologııalyq is-sharaǵa 1 000 adam qatysqan. Onda órtengen ormandy qalpyna keltirý úshin 23 myńnan astam qaraǵaı kósheti otyrǵyzyldy.
Eske salaıyq, 2023 jyly «Semeı ormany» aýmaǵynda iri órt bolyp, saldarynan 15 adam kóz jumdy. О́rt 60 myń gektar aýmaqty sharpydy.