Kúmis jamby, kúmis kitap, kúmis jyr

Oblys ákimdiginiń qol­daýymen, mádenıet, arhıv jáne qujat­tama basqarmasynyń uıymdas­tyrýymen ótken jyr keshiniń betashar sózin oblys ákiminiń orynbasary Erlan Qusaıyn aıtyp, aımaq basshysy Ermaǵanbet Bólekpaevtyń quttyqtaý hatyn tabystap, aqynǵa laıyqty qurmet kórsetti.

–  Sonaý 70-jyldardyń jýan ortasynda jyrsúıer qaýym jatqa oqyp, tyńdarmany tam­sanǵan «Shyt kóılek» atty lırıkalyq týyndysymen ádebı ortany eleń etkizgen jas aqyn búginde qazaq poezııasynyń kór­nekti ókiline aınaldy. Keshegi Alash kósemderiniń altyn be­sigi Aqtoǵaıda týyp, ǵalamǵa Aq­sorańnyń bıiginen qaraǵan aqynnyń Toqyraýyndaı móldir jyr jazbaýy múmkin emes edi. Boıyna ult ulylarynyń rýhy daryǵan Abzal aǵamyz – týǵan jeriniń qasıetti topyraǵyn boıy­na tumar, jyryna arqaý etip, týǵan eliniń ánuranyna aınalǵan «Altyn besik Aqtoǵaıym» ániniń sózin jazyp, perzenttik paryzyn adal atqarǵan aqyn.  Halyqaralyq «Alash» ádebı syı­lyǵynyń laýreaty, «Qurmet» ordeniniń ıegeri Abzal aqynnyń sezim sergiter jyrlary Aqtoǵaı topyraǵynda búr jaryp, Qara­ǵandyda qanattanyp, asqaq shyń­dary aspanmen tildesken Alataýda eseıip, búgin Arqaǵa ora­lyp otyr. Qazynaly ólke­miz búgin qasıetti qara óleńniń qaǵba­syndaı qasterli kúıge bó­lenip, jyr merekesine kýá bolyp jatyr. Qýanyshtaryńyz qutty bol­­syn, Arqa jurty!, – dedi qut­­­tyqtaýynda Erlan Beısem­baıuly.

Keshti sán-saltanatymen júr­gizgen aqyn, Qazaqstan Jazý­shylar odaǵynyń múshesi Ilııas Muqaı qara óleńdi «Taqqa» otyr­­ǵyzyp, oǵan «Táj» kıgizgen, qoǵamnyń ashy aqıqatyn «Ýytty» tilimen synap, ulttyq poezııanyń «Qarakógin» erttep mingen Abzal Bóken aqyndy eldiń yqylasymen ortaǵa aldyryp, óleń surady. El yqylasyna mereıi tasyǵan aqyn tebirenip turyp óleńderin oqydy.

Qazaqstan Jazýshylar odaǵy basqarma tóraǵasynyń orynbasary, aqyn Baýyrjan Jaqyp, Memlekettik syılyqtyń laýreaty, aqyn, dramatýrg Iran Ǵaıyp syı-qurmetterin kórsetip, mereıtoı ıesine arnaǵan óleńderin oqydy.

Al Parlament Májilisiniń depýtaty, aqyn Qazybek Isa mereıtoı ıesin «Alash» altyn medalimen marapattady.

– Abzal aǵanyń óleńderinen kelisti tirkes, kemel pishin, kór­nekti, kórkem sheberlik, kesteli sóz sheberin kórip, ózi­miz de qatty rıza bolatynbyz. Biz mektep bitirgen 1979 jyly ol kisiniń «Bastaý» degen tuń­ǵysh jınaǵy shyqty. «Sal­býryn», «Jalǵyz jelken» óleń­derin izdep júrip oqydyq. «Shyt kóılek» óleńimen dańqy qatty tarady. Shyt kóılek kıgen qyz­dardyń bári shyraıly kó­rindi. Sol óleńnen soń, shyt kóı­lektiń baǵasy qymbattady. Tek shyt kóılektiń emes, shynaıy poezııanyń kórkemdik deńgeıi kóterildi, – dedi Qazybek Isa.

Mártebeli meımandar aqyn Erjan Alashtýǵannyń qol­da­ýymen «Ar» baspasynan ja­qynda ǵana basylyp shyqqan, sııa­sy keppegen «Kúmis kise» kita­bynyń tusaýyn kesti.

Abzal aqynnyń sózine jazyl­ǵan ánderge de kezek berildi. Syr­ly sazger Qadyr Baımyr­zanyń «Qaraǵandym» ánin Nur­jan Jasymhan shyrqasa, Qazaq­stannyń eńbek sińirgen qaıret­keri, dástúrli ánniń dúldúli Dáýrenbek Árkenov «Ańsaýdy» áýeletti.

Odan keıin quttyqtaýlar legin Qazaqstan Jazýshylar odaǵynyń hatshysy, aqyn Dáýletkereı Kápuly, halyqaralyq «Alash» syı­lyǵynyń laýreaty, aqyn-

dra­­matýrg Baqyt Bedelhan, Ha­lyq­­­aralyq «Qazaq tili» qoǵa­my­nyń vıse-prezıdenti Sherýbaı Qur­manbaıuly, Balqashtan kelgen jazýshy Janbolat Bashar jalǵady. «Shyt kóılekti» sheber oqıtyn Sherýbaı Qurmanbaıuly men Abzal aqyn ómirlerinde al­ǵash ret kezdesip, óleńdi oqyp berdi.

Abzal Bóken aqyn ǵana emes, kósemsózdiń de sheberi. Bir kez­deri Qarashańyraq «Or­ta­lyq­ta» qyzmet atqardy. «Ortalyq Qa­zaq­stan» gazetiniń bas redak­to­ry, belgili pýblısıst Ersin Mu­­sabek «Saryarqa aqparat» medıa­hol­­dın­giniń dırektory Qaı­rat Ábil­danyń quttyqtaý hatyn tabys­tap, shapanyn japty.

Qazaqstannyń eńbek sińirgen qaıratkeri Amantaı Jumashev ánmen shashý shashty. Jyr me­rekesi aqynnyń týǵan jerine ar­nap jazǵan «Aqtoǵaı – altyn besigim» ánimen halyqtyq «To­q­y­­raýyn tolqyndary» án-bı ansam­bli­niń oryndaýynda túıindeldi.

«Kún astynan kúmis jamby jaýǵan» jyr keshi osylaı órnek­teldi.

Qaraǵandy oblysy