Ulybrıtanııa Syrtqy ister mınıstri Devıd Kemeronnyń Astanaǵa resmı sapary aıasynda qazaq tilin úırený jáne Qazaqstanda brıtandyq joǵary oqý oryndarynyń fılıaldaryn ashýǵa baǵyttalǵan memorandýmdarǵa qol qoıyldy, dep jazady Egemen.kz.
Is-shara barysynda Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy Oksford «Birsöz» qoǵamdyq kompanııasy bastaǵan joba aıasynda Oksford ýnıversıtetimen áriptestik kelisim ornatty.
Yntymaqtastyq memorandým negizinde birneshe aýqymdy jobalar júzege aspaq. Solardyń qatarynda «Til-Qazyna» ulttyq ǵylymı-praktıkalyq ortalyǵy Oksford ǵalymdarymen salalyq termınologııalyq sózdikterdi qurastyrý, Oksford ýnıversıteti lıngvıstıkalyq zerthanalarynyń tájirıbesin negizge ala otyryp, atalǵan oqý orynynyń mamandarymen birge «Til-Qazyna» zerthanasyn qurý jáne qazaq tilin shet tili retinde oqytý ádistemesin júıeleý men halyqaralyq standarttaý t.b ana tilimizdi damytýǵa tyń serpin beretin is-sharalar bar.
Bul keshendi kelisimge «Til-Qazyna» ulttyq ǵylymı-praktıkalyq ortalyǵynan bólek, A.Baıtursynuly atyndaǵy Til bilimi ınstıtýty, «Halyqaralyq baǵdarlamalar ortalyǵy» AQ qatysty. Baǵdarlama Oxford Birsöz initiative CIC bastamasy arqyly ártúrli kolledjdermen jáne fakýltettermen yntymaqtastyqty qamtıdy.
Aıta keteıik, QR Ǵylym jáne joǵary bilim mınıstri Saıasat Nurbek bıylǵy qańtar aıynda Ulybrıtanııada joǵaryda atalǵan memorandýmdardy iske asyrý týraly kelissózder júrgizý barysynda Memleket basshysynyń tapsyrmasy boıynsha ázirlengen Oxford Qazaq Dictionary sózdiginiń birinshi basylymyn usynǵan edi.