Elena Rybakına Madrıd (Ispanııa) WTA 1000 týrnıriniń úshinshi aınalymyna shyqty. Bul týraly federasııanyń resmı saıty málimdedi, dep habarlaıdy Egemen.kz Olimpyc.kz-ke silteme jasap.
Jarysty ekinshi aınalymnan bastaǵan qazaqstandyq tennısshi alǵashqy matchyn dúnıejúzilik reıtıngide 46-orynda turǵan ıtalııalyq Lıýchııa Bronsettımen ótkizdi.
Bul qos tennısshiniń ózara birinshi kezdesýi edi.
Bastapqy partııada Elena 2:0 esebimen alǵa shyqqanymen, Lıýchııa tarazy basyn teńestirdi. Degenmen Rybakına breıkpen támamdady – 6:4.
Ekinshi setti Bronsettı breıkpen bastaǵanymen, Rybakına oıyn tizginin qaıta qolǵa aldy – 4:1. Sodan keıin qatarynan úsh eıs jasap, birinshi matchbolyn sátti paıdalandy – 6:3.
Elena Rybakına tórtinshi aınalymǵa shyǵý úshin álemniń 21-raketkasy, ýkraınalyq Marta Kostıýk nemese reıtıngide 72-satydaǵy mysyrlyq Maıar Sherıftiń qaı jeńgenimen sheberlik talastyrady.
Rybakına ótken aptada Shtýtgart WTA 500 týrnırinde chempıon atanǵan bolatyn.