Mindet – barlyq kelisimdi júzege asyrý

Kezdesýde Májilis tóraǵasy Sıngapýr Qazaqstannyń Ońtústik-Shyǵys Azııadaǵy mańyzdy ári senimdi seriktesteriniń biri ekenin atap ótti. Sonymen qatar Sea Kıan Pen myrzanyń bul sapary Qazaqstan-Sıngapýr qa­ty­nastaryn jan-jaqty ny­ǵaı­týǵa jáne keńeıtýge zor ser­pin berip, parlamentaralyq yntymaqtastyqty damytýǵa yqpal etetinine senim bildirdi.

– Bıyl Qazaqstan men Sın­ga­pýr arasynda dıplomatııalyq qa­rym-qatynas ornaǵanyna 31 jyl toldy. Osy ýaqyt ishinde senim men syılastyqqa negizdelgen ekijaqty yntymaqtastyǵymyz qarqyndy damyp keledi. Buǵan Prezıdent Qasym-Jomart Toqaev pen Sıngapýrdyń burynǵy basshysy Halıma Iаkobtyń byltyrǵy Qazaqstanǵa jasaǵan resmı sapary kezindegi kezdesýi septigin tıgizdi. Parlamentarııler retinde bizdiń mindetimiz – kóshbasshylarymyz qol jetkizgen barlyq kelisimdi júzege asyrý úshin jaǵdaı jasaý, – dedi Májilis spıkeri.

Erlan Qoshanov áriptesine Qazaq­standa Memleket basshysy­nyń bastamasymen bolyp jatqan ózgerister týraly aıtyp berdi. Osy oraıda Sıngapýr men Qazaqstannyń ishki saıası baǵy­tynyń uqsastyǵyna nazar aýdardy. Atap aıtqanda, Prezı­dent Qasym-Jomart Toqaev basshy­lyqqa alatan «ártúrli pikirler, biraq birtutas ult» qaǵıdatynyń myzǵymastyǵyna mán berdi.

Sıngapýr Parlamentiniń spıkeri eki el yntymaqtastyǵyn damytýdaǵy bolashaǵy zor salalardyń qatarynda ekonomıka, bilim berý men densaýlyq saqtaýdy atap ótti. Sea Kıan Pen Sıngapýrdyń damý jyldarynda jıǵan qundy tájirıbelerimen Qazaqstanmen bólisýge daıyn ekenin jetkizdi.

Mártebeli meıman Qasym-Jomart Toqaevtyń saıası jáne ekonomıkalyq reformalaryn joǵary baǵalady.

– Bul strategııa Ádiletti Qazaq­stan, progressıvti memleket qurýǵa jáne halyqtyń múm­kindikterin arttyrýǵa baǵyt­talǵan. Túrli ózgeris­terge, ınno­vasııalarǵa beıim­­delý, reformalar qabyl­daý – damyǵan ult­tyń ózegi. Biraq odan da ma­ńyz­dysy – halyq­tyń jaýap­ker­shiligi men jasam­pazdyǵy. Osy qundylyq­tar áleýmettik ádildikti qalyptastyrýdyń negizinde jatyr, – dedi Sea Kıan Pen.

Kezdesý sońynda tarap­tar parlamentaralyq yntymaq­tas­tyqty, sonyń ishinde dostyq toptary arasyndaǵy yqpaldastyqty odan ári damytýǵa kelisti.