Tirshilik tiregi – tatýlyq
Yntymaǵy jarasqan kópultty halqymyz taǵy bir jyldy tarıh qoınaýyna shyǵaryp saldy. Shúkir, ótken jyl ónegeli órleýge toly boldy. Bıylǵy jyldy Elbasymyz Assambleıa jyly dep jarııalady. Bul sheshim Memleket basshysy Nursultan Nazarbaevtyń kóregendigin taǵy bir márte tanytqan eleýli qadam bolǵanyn aıtý lázim. «Qıyndyq ataýlyny jeńetin bir-aq kúsh bar, ol – birlik» demekshi, el basyna kún týǵan zamandarda qazaq halqyn ult retinde saqtap qalǵan yntymaǵy men birligi desek, artyq aıtpaǵanymyz bolar. Dostyq pen yntymaq bar jerde bereke men yrys bolary aıdan anyq. Táýelsizdiktiń kók týy jelbiregeli beri úlken jetistikterge qol jetkizip, bıikterden kórinýi, Ortalyq Azııa memleketteriniń ishindegi ózindik orny bar memleketke aınalǵanymyzdyń ózi nege turady? Qazaqstannyń Islam Yntymaqtastyǵy Uıymyna, EQYU-ǵa tóraǵalyq etýi she? El birliginiń, halyq yntymaǵynyń arqasynda osyndaı bıikterge jetip otyrmyz dep oılaımyn. Aýyzbirlik pen túsinistik, qarapaıym syılastyq ústemdik qurǵan jerlerge qashanda nátıjeli isterdiń úıir bolatyny belgili. «Altaý ala bolsa, aýyzdaǵy ketedi, tórteý túgel bolsa, tóbedegi keledi» degendi ata-babalarymyz yntymaqtyń kerektiginen aıtqany anyq. Ult pen ulystyń tatýlyǵy arqasynda búginde memleketimiz órkendep, ilgeri damyp kele jatyr. Bir shańyraq astynda ulttyń uıytqysyna sebep bolyp otyrǵan, saıasatymyz ben Ata Zańymyzdyń arqasynda atqarylyp jatqan sharalardyń nátıjesi ekendigi belgili. Qazaqstan Respýblıkasynyń Prezıdenti Nursultan Ábishuly Nazarbaev halyqqa arnaǵan dástúrli Joldaýynda búgingi kúnniń eń basty máselesi – el birligine únemi basa nazar aýdaryp keledi. «Birligi bar el ozady, birligi joq el tozady». Búgingi Qazaqstannyń jetken jetistikteri men alǵan shyńdary birliktiń arqasy. Sondyqtan qazaqtyń birligi – eldigimizdiń kilti. «El birligi – eń asyl qasıet», – degen Elbasy tujyrymy Otanyn súıgen ár azamattyń júreginen oryn tabýy kerek. Osydan jıyrma jyl buryn Elbasy Nursultan Nazarbaev Qazaqstan halqy Assambleıasyn qurý týraly jarlyq shyǵarǵan bolatyn. Ol 800-den astam etnomádenı birlestiktiń basyn biriktirdi. Ultaralyq tatýlyq pen turaqtylyqtyń fenomeni – Qazaqstan halqy Assambleıasy búginde qoǵamdaǵy kelisim men yntymaqtastyqtyń basty tetigi bolyp otyr. Bul – eshbir elde bolmaǵan erekshe, saıası mańyzy zor qurylym. Assambleıanyń 365 múshesi, 471-den astam respýblıkalyq, óńirlik, oblystyq, qalalyq etnomádenı birlestigi bar. Bir sózben aıtqanda, dostyq dánekeri bolyp otyrǵan biregeı qurylym óziniń 20 jyldyq belesin laıyqty tabystarmen qarsy almaq. Búginde árbir ultqa salt-dástúrlerin jańǵyrtýǵa, ónerin, mádenıeti men ádebıetin damytýǵa, tiliniń jetilýine qamqorlyq kórsetilýde. Osynyń bári Elbasynyń qoǵamdaǵy azamattyq yntymaqtastyq pen ishki saıası turaqtylyqty saqtaý strategııasyn durys tańdap, ultaralyq qatynastardy retteýdiń tıimdi tetikterin jasaı bilýiniń arqasynda múmkin bolýda. Qazaqstan halqy Assambleıasynyń qurylymy aıasynda biz saıası turaqtylyqty, ultaralyq jáne konfessııaaralyq kelisimdi saqtaı aldyq. Assambleıanyń basty maqsaty – saıası jaǵdaılarǵa boljam jasaı otyryp, qoǵamdy alaýyzdyqtan saqtaý. Iаǵnı, azamattarymyzdy otansúıgishtikke tárbıelep, ultaralyq qatynasty nyǵaıtý. Sebebi, alpaýyt elderdiń ózi abdyrap otyrǵan tusta Qazaqstan halqy Assambleıasy tatýlyqqa uıytqy bola bildi. Shynynda da, búgingi tańda Qazaqstan halqy Assambleıasy – uıymdyq qurylym ǵana emes, ol bizdiń ómirimizdiń ajyramas bóligi, bizdiń tynyshtyǵymyz ben birligimizdiń uıytqysy. Qazaqstannyń kópultty halqynyń tatýlyǵy, yntymaqtastyǵy, beıbitshiligi – bizdiń elimizdiń eń basty baılyǵy. Birligimizdi ardaqtaı bileıik! Aleksandr GIBNER, Jambyl oblystyq nemis etnomádenı birlestiginiń tóraǵasy. TARAZ.Turaqtylyq – basty baılyǵymyz
Qazir álemde tynyshsyzdaý bolyp turǵany ras. Damyǵan alpaýyt elderdiń ózi ekonomıkalyq daǵdarysty bastan keshýde. Ýkraınadaǵy áskerı qaqtyǵystardyń da býy basylar emes. Reseıge jarııalanǵan sanksııanyń saldary kórshiles elderge salqynyn tıgizýde. Keıbir elderdegi osyndaı saıası jáne ekonomıkalyq turaqsyzdyqqa qarap, elimizdegi bereke-birlikke, tatýlyq pen turaqtylyqqa táýbe deımiz, árıne. Qazaqstan táýelsizdik alǵaly beri beıbit ómir súrýdiń ónegesin kórsetip keledi. Sondyqtan da bolar, sheteldik kompanııalar elimizge ınvestısııa salýǵa yntaly bolýda. Munyń Elbasy N.Nazarbaevtyń sarabdal saıasatynyń arqasynda múmkin bolyp otyrǵanyn basa aıtý lázim. Qazir Prezıdenttiń bastamasymen kásipkerlikke qoldaý kórsetýdiń múmkin bolǵan tetikteri iske qosylýda, shaǵyn jáne orta bızneske kedergiler alynyp tastaldy. Kóptegen memlekettik baǵdarlamalar kásipkerlikti damytýǵa qyzmet etýde. Osynyń barlyǵy Elbasynyń bastamasymen júzege asyrylyp jatqanynyń, basty nazarda ustaýynyń nátıjesi deý oryndy bolmaq. Qazaqstannyń ınvestısııa salýǵa qolaıly jaǵdaı týǵyzylǵan birden-bir el ekenin álem moıyndap otyr. Munyń aıqyn mysalyn, ózim eńbek etetin «Qazhrom»TUQ» aksıonerlik qoǵamyna qaraıtyn Aqtóbe ferroqorytpa zaýytynyń tájirıbesinen de aıqyn ańǵarýǵa bolady. Ekinshi dúnıejúzilik soǵys jyldarynda salynyp, paıdalanýǵa berilgen eski zaýyttyń keıbir sehtary keıingi jyldarda keńeıtilip, azdy-kópti jańartylǵanmen, budan jetpis jyl buryn paıdalanýǵa berilgen kóne zaýyt moraldyq jaǵynan tozǵan-dy. Ekinshi zaýyt sońǵy úsh-tórt jylda qolǵa alynyp, qysqa merzimde paıdalanýǵa berildi. Bul zaýyt – bıylǵy maýsym aıynyń aıaǵynda oblysymyzǵa jumys saparymen kelgen Elbasy Nursultan Nazarbaev iske qosý-retteý jumystaryn bastap bergen jańa óndiris. Muny aqtóbelik metallýrgter №4 seh dep te ataıdy. Bul – qurylysynyń kólemi, alyp jatqan aýmaǵynyń aýqymy jóninen de óz aldyna derbes zaýyt. Jańa zaýyttyń birinshi peshinen alǵashqy ónim de alyndy. Munda bári avtomattandyrylǵan, sondyqtan burynǵy sehtarǵa qaraǵanda jumys áldeqaıda jeńil. Ázirge bir pesh jumys istep tur. Qalǵan peshterdi iske qosý qadamdary jasalýda. Bul peshtiń biregeıligi sol – turaqty tok arqyly usaq rýdamen jumys isteı alady. Mundaı turaqty tokpen jumys isteıtin seh Ońtústik Afrıkada ǵana bar. Alaıda, bizdiń zaýyttyń qýaty odan joǵary. Jańa zaýyt qurylysynyń quny 843 mln. AQSh dollaryn quraıdy. Mundaǵy tórt pesh jylyna 440 myń tonna joǵary kómirtekti ferrohrom óndiredi. Jobany júzege asyrý elimizdiń joǵary kómirsýtekti ferrohromdy eksporttaý múmkindigin 16 paıyzǵa, oblysty 46 paıyzǵa arttyrady, ónimniń ózindik qunyn kemitedi dep kútilýde. О́zim Reseıdiń kórshiles Orynbor oblysynda dúnıege keldim. Ákem dúnıeden ozǵan soń anam Lıýbov Dronova týmalaryn saǵalap, Shubarqudyq poselkesine kóship keldi. Biz de qazaq balalarymen birgi oınap, birge júrip, qazaqsha sóıleýdi de daǵdyǵa aınaldyrdyq. Men qazaq tilin bilgennen utpasam, utylǵan joqpyn. Qazir Aqtóbe ferroqorytpa zaýytynyń №1 shıhta daıyndaý sehynda jumys isteımin. Isime tyndyrymdylyǵymdy, kásibimdi jetik biletindigimdi basshylar ańǵarǵan bolýy kerek, brıgadanyń jetekshiligine usyndy. Bul árıne, úlken jaýapkershilik júkteıdi. Degenmen, brıgadada eńbek etetin alýan ulttyń ókilderiniń ortaq istegi uıymshyldyǵy men birligi boıyma senim uıalatty. Zaýytta eńbek etýge tolyq jaǵdaı jasalǵan. Áleýmettik jeńildikter de qarastyrylǵan. Eńbekaqy ýaqytyly beriledi. Jumysshylar eńbekten bos ýaqytynda mádenıetti tynyǵady, sportpen aınalysady, kórkemónerpazdar úıirmelerine qatysady. Men osyndaı birligi bekem, yntymaǵy jarasqan ujymǵa tap bolǵanyma rızamyn. Elimiz tabıǵı qazba baılyqtarynan kende emes. Alaıda, eń basty baılyǵymyz eldegi tynyshtyq pen turaqtylyq ekeni sózsiz. Qazaqstandaǵy tatýlyq pen birlik, ultaralyq yntymaq bastaýlary elimizdegi turaqtylyqtan arna tartatyny aqıqat. San alýan ulttar mekendegen memlekettiń basty baılyǵy da osy ekenin Elbasy udaıy aıtyp keledi. Turaqtylyq bar jerde tabys ta, baqýatty turmys ta bolady. Biz osyndaı elde turatynymyzdy maqtanysh tutyp qana qoımaı, onyń gúldenýine ózimiz de atsalysýymyz kerek der edim. Andreı DRONOV, Aqtóbe ferroqorytpa zaýyty №1 shıhta daıyndaý sehynyń brıgadıri. Aqtóbe.