Ashyq aspan astyndaǵy murajaı

San ǵasyrlyq tarıhy bar qa­lashyq ejelgi Iаssy qalasynyń bir bóligi bolǵandyqtan, joba IýNESKO qadalaǵaýymen júzege asyrylyp jatyr. Kúmbezdiń temir konstrýksııalary, jabyndary or­natylǵan. Qoja Ahmet Iаsaýı kesenesi IýNESKO qorǵaýyndaǵy tarıhı mura bolǵandyqtan, onyń aýmaǵyndaǵy jumystar qatań qadaǵalanýǵa alyn­ǵan. «Bul qalashyqtyń ár tasy – tarıh. Jumystar tarıhı jádigerlerge zııan keltirmeýge tıis. Kógal­dandyrýǵa asa mán beremiz. Aınalasy jasyl jelekke oranyp, týrısterdi baýrap alatyndaı bolýy kerek. Boı kóteretin jańa nysandardyń sapasyna basa nazar aýdarý qajet. Tarıhı ári týrıstik nysanda tutas bir úılesimdilik bolýǵa tıis», dedi qala­shyqta at­qarylyp jatqan ju­mys­tardy baqylaǵan oblys ákimi Darhan Saty­baldy.

Tarıhı qalashyqtaǵy qurylys jumystary jal­py aýmaǵy 30 gek­tarǵa jýyq jerde júr­gizil­gen. Jobanyń alǵash­qy kezeńinde shetel­den arnaıy tapsyrys­pen jasalǵan 4 shatyrly kúm­­bez ornatyldy, 27 ti­rek, káriz sorǵy stansasy men drenajdy júıe sa­lyndy. Kúltóbe qa­la­shyǵyn qalpyna kel­tirý men ǵylymı zert­teýge jergilikti ǵalym­dar atsalysty. Qala­shyq­ta ártúrli kezeń nysan­darynyń eskızderi – qol­ónershilerdiń turǵyn úı­leri, zattar, ejelgi saýda kósheleri, sheberhanalar, ishki aýlalar jáne

XII-XIX ǵǵ. bekinis qa­byr­ǵalarynyń element­teri tabylǵan. Osy jádi­gerler «Kúltóbe qala­shy­ǵy» par­kine ornatylyp, saıa­hat­shylarǵa usynylady.

TÚRKISTAN