Elimizdiń óńirleri sý astynda qalǵan ýaqytta óz isimen ózgelerge úlgi bolǵan oqýshylar da az emes. Solardyń biri - mkentaýlyq Gaýhar Sháımerdendi, dep habarlaıdy Egemen.kz.
Esterińizde bolsa, 11 jasar oqýshy jańa mobıldi telefon satyp alýǵa dep bir jyl jınaǵan aqshasyn sý tasqynynan zardap shekken aımaqtarǵa kómekke jibergen.
«Biz birgemiz» jalpyulttyq telemarafon kezinde Gaýhar «Habar» arnasynyń stýdııasynda qonaqta bolyp, oǵan telearna atynan smartfon syıǵa tartyldy.
Sol ýaqytta qatty aýyryp, aýrýhanada jatqan edim. Qulsarydaǵy jaǵdaıdy telefonnan kórdim. Erteńine aýrýhanadan shyqqanda, Kentaýda Qulsaryǵa gýmanıtarlyq kómek jınalyp jatqanyn estidim. Telefon alamyn dep jınap júrgen aqshamdy Qulsaryǵa kómek retinde bergim keldi. Sebebi Qulsarydaǵy jaǵdaıdy kórip qatty ýaıymdadym. Bul týraly oıymdy anama aıtyp edim, ol qarsy bolmady. Anam ekeýmiz aparyp berdik. Ishine hat jazyp, qulsarylyq dostaryma tileýles ekenin, olardyń ýaıymdamaýy kerek ekenin jazdym. Al búgin maǵan armanymdaǵy telefondy syılady, shyn qýanyp turmyn, rahmet, - dedi jasóspirim.
Aıta keteıik, sý tasqynynan zardap shekken azamattar ótemaqy, tólem túrleri, qurylysqa nemese sý basqan úıdi qalpyna keltirýge baılanysty qoldau.gov.kz. aqparattyq portaly arqyly aqparat bilip, ótinim bere alady.