Túrkistan oblysynyń jergilikti áskerı basqarý organdary alǵashqy áskerı daıyndyq sabaqtarynda alǵan bilimderin bekitý maqsatynda Saıram aýdany, Mankent aýylyndaǵy Álisher Naýaı jáne Ál-Farabı atyndaǵy orta mektepteriniń qyryqqa jýyq 10-synyp oqýshylary úshin Shymkenttegi «Ońtústik» óńirlik qolbasshylyǵynyń mehanıkalandyrylǵan brıgadasynyń ómirimen tanysýyn uıymdastyrdy. Bul týraly Shymkent garnızonynyń baspasóz qyzmeti habarlady.
Qonaqtardy áskerı nusqaýshylar men bólim tárbıeshileri qarsy aldy. Bolashaq Otan qorǵaýshylar bólimniń áskerı qyzmetshileriniń ómiri men qandaı qyzmet atqaratynyn óz kózderimen kórip, qarý-jaraq, áskerı tehnıka men jeke qorǵanys quraldary úlgilerimen qyzyǵýshylyqpen tanysty.
Mamandardyń qoldaýymen balalar Kalashnıkov avtomatyn bólshekteýge jáne qurastyrýǵa mashyqtanýǵa, qoıan-qoltyq urysynyń tásilderin kórýge jáne qaıtalaýǵa múmkindik aldy, sondaı-aq jalpy áskerı qorǵanys kostıýmin kıip, radıohımııalyq qorǵanystyń negizderimen tanysty.
Áskerde, Táýelsizdik jyldarynda qandaı ózgerister bolǵandyǵy jáne bólimniń tarıhy týraly bólim komandıri polkovnık Ámirqoja Aıtqojın oqýshylarǵa áńgimelep, jastardy qyzyqtyrǵan suraqtarǵa jaýap berdi.
«Siz ózińizdiń atalaryńyz ben arǵy babalyryńyzǵa laıyq bolýyńyz kerek, jáne árqaısylaryńyz óz ómir jolyńyzdy tańdaý týraly sheshim qabyldaýyńyz kerek. О́zińizben jumys jasańyz, barlyq baǵytta ózińizdi jetildirińiz, aqyl-oıyńyz ben deneńizdi jattyqtyryńyz, sodan keıin siz óz elińizge paıda ákele alasyz. Áskerı qyzmet ár er adamnyń qasıetti paryzy men mindeti ekenin umytpańyz», dep atap ótti Ámirqoja Aıtqojın.
Kóptegen uldar áskerı qyzmettiń qanshalyqty qıyn ekenine kóz jetkizgenimen, áli de jaýyngerler qataryna qalaı enýge bolady, áskerı isti qandaı oqý oryndarynda úıretedi degen suraqtaryn qoıdy.
Áskerıler men mektep oqýshylarynyń kezdesýi júıeli áskerı-patrıottyq jumys jáne áskerge shaqyrylýǵa deıingi jastardy kásibı baǵdarlaý sheńberinde ótkenin atap óteıik, oǵan bólim basshylyǵy aıtarlyqtaı kóńil bóledi.