Almaty oblysy Qarasaı aýdanynyń Kóksaı aýylynda sarbazdardy áskerden kútip alý kezinde qarýdan oq atylǵan. Oblystyq Polısııa departamenti áleýmettik jelide taraǵan vıdeo izimen qoǵamdyq tártipti buzǵandardy ustady, dep jazady Egemen.kz.
Oqıǵa 30 sáýir kúni bolǵan.
Osy jaıt boıynsha tártip saqshylary 21 jáne 23 jastaǵy eki jigitti anyqtap, aýdandyq polısııa basqarmasyna jetkizdi.
«Qarýlar tıisti saraptamaǵa joldandy. Buzaqylyq faktisi boıynsha qylmystyq is qozǵaldy. Eki jas jigit ýaqytsha ustaý ızolıatoryna qamaldy. Tergeý amaldary júrgizilip jatyr», delingen oblystyq Polısııa departamenti taratqan habarlamada.