Qulsary qalasynyń sý basqan aýmaqtarynan sý tartý jumystary jalǵasyp jatyr, dep habarlaıdy Egemen.kz.
Atyraý oblysy Tótenshe jaǵdaılardy joıý shtabynyń málimetinshe, búginde tartylǵan sýdyń jalpy kólemi 3 mıllıon 500 myń tekshe metrdi quraıdy. Tótenshe jaǵdaılardy joıýǵa Tótenshe jaǵdaılar mınıstrliginiń, jergilikti atqarýshy organdardyń jáne óndiristik mekemelerdiń kúshteri jumyldyryldy.
«Júrgizilgen jumystardyń nátıjesinde 2 723 turǵyn úı aýlasy, 257 kásipkerlik jáne 29 áleýmettik nysan sýdan tazartyldy», delingen jedel shtab habarlamasynda.