Saýd Arabııasy koroldiginiń qajylyqty qajylyq vızasy bar azamattar ǵana jasaı alatyny týraly 2024 jylǵy 24 sáýirdegi málimdemesine oraı, QMDB úlken qajylyq saparyn tek ruqsaty bar týroperatorlar men týragentterdiń kómegimen jasaýǵa bolatynyn eske saldy, dep habarlaıdy Egemen.kz.
Inbusiness.kz saıtynyń jazýynsha, bıyl qajylyq oryndary konkýrs negizinde 16 týroperatorǵa bólingen.
Qajylyq jasaýshyǵa qoıylatyn eń basty talap - qajylyq qulshylyǵyn eshqandaı týrıstik saparmen shatastyrmaı, qajylyqtyń sharıǵı talaptaryn oryndaý.
«О́z kezeginde QMDB qajylyqty uıymdastyrýdyń tehnıkalyq jaýapkershiligin belgili zań talaptary negizinde otandyq týroperatorlarǵa senip tapsyrady. Sebebi QR azamattarynyń túrli maqsatta syrtqa shyǵýy týrızm salasyndaǵy zańnamalarmen retteledi jáne olardyń quqyqtaryn qorǵaý týroperatorlarǵa júkteledi», delingen málimette.
Qajylyq maýsymynda týroperator Qazaqstan azamattaryn syrtqa shyǵý týrızmi salasyndaǵy quqyqtary negizinde Saýd Arabııasy koroldiginiń QMDB bólgen qajylyq oryndaryna ǵana alyp bara alady. Qajylyq oryndarynan tys adam aparý – eki el arasyndaǵy qajylyq kelisimshartyn buzǵan bolyp sanalady.
«Konkýrstan ótken 16 týroperator qajylardyń qaýipsizdigin qadaǵalap, olardy Mekke-Medınaǵa aparyp-ákelýge, qonaq úı jáne as-sýmen, transportpen qamtamasyz etýge jáne tıisti qujattaryn rásimdeýge mindetteledi», dep qosty QMDB ókilderi.
Olar: «Hıkmet Trevel» JShS, «Atlas Týrızm» JShS, «Qyzmet Saıahat» JShS, «Tawaf Travel» JShS, «Hıdaıat-Nýr» JShS, «Nurkhan travel» JShS, «Sembekova» JShS, «Sanabl kz» JShS, «Mina travel» JShS, «Al-Marýa» JShS, «Ordabasy – NJ» JShS, «Robinzon kz» JShS, «Delta Tour» JShS, «Iman Travel Týr» JShS, «Dostik travel» JShS, «Qazaq Sapar» JShS.
Aıta ketsek, bıyl elimizden 5 081 myń adam úlken qajylyqqa barady.