Otan qorǵaýshylar kúnine arnalǵan merekelik is-shara elordalyq Arbat mańyndaǵy Esil ózeniniń jaǵalaýynda ótti, dep habarlaıdy Egemen.kz Astana ákimdiginiń resmı saıtyna silteme jasap.
Búgin Saryarqa aýdanynyń ákimdigi elorda turǵyndary men qonaqtary úshin Otan qorǵaýshylar kúnine oraı merekelik konsert uıymdastyrdy.
«Otan qorǵaýshylar kúninde biz mańyzdy tarıhı sátti atap ótip qana qoımaı, ózimizge Otan aldyndaǵy qasıetti mindetimizdi eske salamyz. Bul kún bizdiń elimizdiń bostandyǵy men táýelsizdigin qorǵaı alǵan ata-babalarymyzdyń erligin eske salady. Biz, ásirese, jas urpaq, qazaqstandyqtardyń erligi týraly estelikterdi saqtap, bolashaq urpaqqa amanat etýimiz kerek. Búgin osy mereke kúni konsert uıymdastyryldy. Konsertte polısııa, TJD qyzmetkerleri jáne bizdiń ardagerler óner kórsetti», dedi ákim apparatynyń bas mamany Erasyl Qaıratov.
Jınalǵandar aldynda «Qamajaı» bı tobymen birge «Ájeler Shańyraq» etnomádenı ansambli óner kórsetti. Konsertte qazaq halqynyń «Búldúrgen», «Sáýlem-aı», «Dedim-aý» ánderi shyrqaldy. Kórermender «Smýglıanka», «Katıýsha», «Ah, Samara-gorodok» jáne t.b. esti ánderdi tyńdady.
Qazaqstan halqy Assambleıasynyń «Vaınah» sheshen-ıngýsh etnomádenı ortalyǵynyń «Lezgınka» bıin de tamashalady.«Bizdiń er adamdardy Otan qorǵaýshylar kúnimen quttyqtaımyn! Olarǵa memleket úshin senimdi tirek bolyp, Otanyna jáne antyna adal bolýyn tileımin», dedi elorda turǵyny Jamal О́skenbaeva.