Qazaqstan men О́zbekstan arasyndaǵy jańa áýe joly 1 maýsymda jumysyn bastaıdy, dep habarlaıdy Egemen.kz.
Kólik mınıstrliginiń baspasóz qyzmeti atap ótkendeı, Qazaqstannan halyqaralyq reısterdiń jalpy sany 121 áýe baǵyty boıynsha aptasyna 567-ge jetti. Qazaqstan Respýblıkasynan 28 elge qatynaýǵa bolady.
«Uzbekistan Airways» áýe kompanııasy Almaty – Nókis jańa baǵyty boıynsha turaqty reısterdi júzege asyra bastaıdy. Reıster aptasyna eki ret, sársenbi jáne senbi kúnderi, syıymdylyǵy 174 jolaýshyǵa deıingi Airbus A320 ushaǵynda oryndalady.
«Jańa áýe jolynyń ashylýy eki el arasyndaǵy saýda-ekonomıkalyq, iskerlik jáne týrıstik yntymaqtastyqty odan ári damytýǵa yqpal etedi», delingen habarlamada.