Qazirgi ýaqytta mektep oqýlyqtaryn sıfrlyq formatqa kóshirý prosesi 100%-ǵa oryndaldy. Oqý materıaldarynyń barlyǵy memlekettik saraptamadan sátti ótip, oqý-ádistemelik keshender tizimine engizildi. Sıfrlyq oqýlyqtar eldiń 13 baspasy usynǵan 11 platformada ázirlenip jatyr, dep habarlaıdy Egemen.kz.
«Oqytýdyń ınnovasııalyq ádisterin engizý úshin pedagogterge arnalǵan ádistemelik usynymdar ázirlendi. Muǵalimder onlaın-resýrstarmen jumys isteý daǵdylaryn arttyra otyryp, sabaqtarda sıfrlyq tehnologııalardy, onlaın-kommýnıkasııalardy belsendi paıdalanady», dep atap ótti vedomstvonyń bilim sapasyn qamtamasyz etý komıteti tóraǵasynyń orynbasary Maıra Meldebekova.
Mınıstrliktiń málimetinshe, robototehnıka, STEM, hımııa, fızıka, bıologııa boıynsha 1 myń 345 zamanaýı kabınet ashý jumystary júrgizilip jatyr. Jyl sońyna deıin 20 óńirde 1 myń 072 mektep zamanaýı kabınettermen jabdyqtalady dep josparlanyp otyr.