Áleýmettik jelide polıseıler jol boıynda qyzmettik kólikpen kelesi mashınany soǵyp toqtatqan vıdeo tarap jatyr. Ishki ister mınıstrligi oqıǵaǵa qatysty pikir bildirdi, dep jazady Egemen.kz.
Tótenshe oqıǵa 9 mamyr kúni bolǵan. Mas kúıdegi er adam Túrkistan oblysynda bireýdiń kóligin urlap áketip, jolda avarııalyq jaǵdaı týǵyzǵan.Alda bolýy yqtımal jol-kólik oqıǵasynyń aldyn alý úshin patrýldik polısııa ınspektorlary Asyl Keńes pen Baǵlan Dúısebaı onyń jolyn qyzmettik avtokólikpen jaýyp, nátıjesinde kólikter soqtyǵysqan.«Kórshi oblystaǵy áriptesterimizden urlanǵan kólik týraly habar tústi. Róldegi adamnyń mas kúıde ekenin birden túsindik. Qaýipti júrgizýshini toqtatý úshin jolyn japtyq. Buny jol qozǵalysynyń ózge de qatysýshylarynyń qatysýymen qaıǵyly saldardy boldyrmaý men azamattardyń amandyǵy úshin jasadyq», dedi ofıserler.Kólikti masań hálde basqarǵany jáne polısııa qyzmetkerleriniń zańdy talabyn oryndamaǵany úshin urlanǵan kólikti tizgindegen er adam jaýapqa tartyldy.IIM avtokólikti urlaý faktisin Túrkistan oblysynyń tártip saqshylary tergep jatqanyn málim etti.