Qasym-Jomart Toqaev Qazaqstanǵa resmı saparmen kelgen Qytaı Halyq Respýblıkasy Memlekettik keńesi Premeriniń orynbasary Lıý Gochjýndy qabyldady, dep habarlaıdy Egemen.kz Aqordanyń baspasóz qyzmetine silteme jasap.
Áńgimelesý barysynda qazaq-qytaı strategııalyq seriktestiginiń qazirgi jaı-kúıi men damý perspektıvalary, sondaı-aq buǵan deıin Prezıdent Qasym-Jomart Toqaev pen QHR Tóraǵasy Sı Szınpın qol jetkizgen ýaǵdalastyqtardy eki el úkimetteriniń iske asyrý barysy talqylandy.
Memleket basshysynyń aıtýynsha, Qazaqstan Qytaıdyń senimdi seriktesi jáne solaı bolyp qala beredi. Sonymen qatar QHR-men ekijaqty qarym-qatynasty múlde jańa deńgeıge kóterý elimiz úshin mańyzdy basymdyq sanalady.
«Qazaqctan men Qytaıdyń jan-jaqty strategııalyq seriktestigi men máńgilik dostyǵy udaıy damyp keledi. Biz bolashaqqa senimmen qaraımyz. Muny erekshe atap ótý kerek. Ekijaqty saýda-sattyqtyń kólemi boıynsha kósh bastap turǵan Qytaı – Qazaqstannyń jetekshi saýda-ekonomıkalyq seriktesi. О́tken jyldyń qorytyndysy boıynsha eki el arasyndaǵy taýar aınalymy 40 mıllıard dollarǵa jetti. Bul – rekordtyq kórsetkish. Biz muny 100 mıllıard dollarǵa deıin jetkizýdi kózdep otyrmyz. Bul maqsatqa qol jetkizýge bolady», dedi Memleket basshysy.
О́z kezeginde Lıý Gochjýn Qytaı men Qazaqstan arasyndaǵy yntymaqtastyqtyń qarqyndy damyp kele jatqanyn atap ótti.
«Qytaı halqynyń syralǵy ári izgi nıetti dosy retinde Siz osy jyldar ishinde Qytaı men Qazaqstan qatynastarynyń damýyna súbeli úles qostyńyz. Muny qytaı tarapy joǵary baǵalaıdy. Sizdiń basshylyǵyńyzben elińiz qýatty, gúldengen Jańa Qazaqstandy qurý jolynda ilgerileı beretinine senimdimin. Qytaı men Qazaqstan – tatý kórshiler, senimdi seriktester ári bir-birin tolyqtyratyn dostas elder», dedi Lıý Gochjýn.
Kezdesý barysynda saýda, ınvestısııa, aýyl sharýashylyǵy, kólik-logıstıka, energetıka jáne týrızm salalaryndaǵy yqpaldastyqty nyǵaıtý perspektıvalary qarastyryldy. Sondaı-aq mádenı-gýmanıtarlyq baılanystardy damytý máseleleri talqylandy.