Jambyl oblystyq Polısııa departamentiniń krımınaldyq polısııa basqarmasynyń asa mańyzdy ister jónindegi aǵa tergeýshisi Shohan Áljanov oblysta jalpy alaıaqtyq faktileri 15,9 paıyzǵa, dálirek aıtqanda 353-ten 297-ge deıin azaıǵanyn habarlady, dep jazady Egemen.kz.
«Jańatas qalasynyń 50 jastaǵy turǵyny Sarysý aýdandyq polısııa bólimine júginip, alaıaqtardyń arbaýyna túsip qalǵanyn jetkizdi. Alaıaqtar onyń senimine kirip, bank qosymshasy arqyly 1 mıllıon teńgege jýyq taýarlyq nesıe rásimdep beremin dep san soqtyrǵan. Nátıjesinde Túrkistan qalasynyń 30 jastaǵy turǵyny ustaldy. Alaıaq oblysqa jetkizilip, qamaýǵa alyndy», deıdi Shoqan Áljanov.
Aǵa tergeýshi Áljanovtyń málimetinshe, jyl basynan beri Taraz qalasynda - 37, Shý aýdandyq polısııa bóliminde – 9, Rysqulov aýdanynda – 4, Qordaı men Jýalyda – 3 ınternet-alaıaqtyq faktisi tirkeldi.
Eske sala keteıik, 2023 jyly oblysta alaıaqtyq faktileriniń jalpy sany 22,3%-ǵa – 452-den 351-ge deıin azaıyp, onyń basym bóligi, 229-y Taraz qalasynda anyqtalǵan. Al 2022 jyly 291 alaıaqtyq faktisi tirkelgen. Alaıaqtyq faktilerin ashý kórsetkishi 4%-ǵa – 41,3%-dan 45,3%-ǵa ósti.
Qyrmyzy JUMAǴALIQYZY,
EUÝ stýdenti