Qulsary turǵyndaryna baspanany jóndeý maqsatyna arnalǵan ótemaqy tólene bastady, dep habarlaıdy Egemen.kz Atyraý oblysynyń TJ jónindegi jedel shtabyna silteme jasap.
Qulsarynyń alǵashqy 15 turǵynyna jóndeý-qalpyna keltirý jumystaryna ótemaqy tólendi. Bul týraly Jylyoı aýdanynyń ákimi Jumabek Qarajanov sý tasqynynan zardap shekken turǵyndarmen kezdesý barysynda habarlady.
Aýdan basshysynyń aıtýynsha, 17 mamyrda múlikti baǵalaý nátıjelerin alǵan Qulsarynyń alǵashqy 15 turǵyny kelisimshartyna qol qoıǵannan keıin óz shottaryna aqshalaı tólemder alǵan. Endi olar jóndeý-qalpyna keltirý jumystaryna kirisedi.
«Atyraý oblysynyń ákimi atap ótkendeı, Qulsarynyń árbir turǵynynyń turǵyn úıin baǵalaý boıynsha jaǵdaı jeke qaralady», dedi Jumabek Qarajanov.
Sondaı aq ol turǵyndarǵa úıdi apatty dep taný, sondaı-aq jóndeý-qalpyna keltirý jumystaryn júrgizý kezinde keltirilgen zalaldy óteý tártibi týraly aqparat usyndy.