M.Áýezov atyndaǵy Ońtústik Qazaqstan ýnıversıtetinde rektor kýbogine arnalǵan 10, 11, 12-synyp oqýshylary arasynda I respýblıkalyq «Auezov school cup» pikirsaıys týrnıri ótti.
Alǵash ret uıymdastyrylǵan týrnırge «Aqıqat» pikirsaıys ortalyǵynan 70, elimizdiń 6 aımaǵynan 120-dan asa úzdik pikirsaıysshylar qatysty.
«Týrnır – jaýapkershiligi men ıntellektisi joǵary, rýhanı jan dúnıesi baı, estetıkalyq talǵamy damyǵan tulǵany qalyptastyrý men damytýdy maqsat etti. Pikirsaıys jastardy logıkalyq oılaýǵa, óz ustanymyn bildirýge tárbıeleıdi. Sondaı-aq ártúrli jaǵdaıda ony taldap, ózindik kózqarasyn qalyptastyrýǵa beıimdeıdi», dedi M.Áýezov ýnıversıteti Jastar ortalyǵynyń dırektory Aqan Besbaev.
Qazaq jáne orys tilinde ótken amerıkalyq parlament jáne Lınkoln-Dýglas formatyndaǵy týrnır qyzyqty boldy. Tartysty dodada bilim alýshylar elimizdiń qoǵamdyq-saıası tynysy týraly pikir talastyryp, sheshendik ónerlerin sarapqa saldy.
Utqyr sóz saıysynyń qorytyndysynda jeńimpazdar ýnıversıtettiń oqý granty jáne «Áýezov ýnıversıteti túlekteriniń qaýymdastyǵy» qoǵamdyq birlestiginiń tarapynan qarjylaı syılyqtarmen marapattaldy.
Sonymen Almaty oblysy Shoqan Ýálıhanov mektebiniń oqýshylary Jadyra Alıkova men Jiger Seıdahmetov birinshi orynǵa ıe bolyp, oqý grantyn utyp alsa, ekinshi oryndy – Shymkent qalasynan Bekarys Ázimhan (Talant-1 mektebi) men Kamshat Alpysbaı (№38 mektep-gımnazııa) ıelendi.
Sondaı-aq shymkenttik oqýshylar Ertaı Joldybek (Zerdeli high school) pen Danıal Sarbaev (№25 mektep-gımnazııa) jáne Jambyl oblysynan kelgen Kazım Sarymomed-oglı (N.Aqshabaev atyndaǵy orta mektep) men Zere Mańyzqyzy Zere («Úmit» oqýshylar saraıy) úshinshi orynǵa qol jetkizdi.
Zııatkerlik dodada úzdik spıker atanǵan Shuǵyla Salybek (№47 mektep) oqý grantyna ıe boldy. Dál osyndaı atalymdy Ulsaıa Egemberdi (Academy of golden kids) men Gúlfaırýs Áziretáli de jeńip aldy. Sonymen birge atalǵan jarysta Arýjan Sadyq úzdik tóreshi, Nurlyhan Qýandyqov úzdik gıd atalymyna laıyq dep tanyldy.
ShYMKENT