WhatsApp messendjerinde Qonaev qalasynyń ákimi Ashat Berdihanovtyń atynan alaıaqtardan aqparat taralyp jatyr. Ákimdik azamattardy qyraǵy bolýǵa shaqyrdy, dep habarlaıdy Egemen.kz.
«Búgin Qonaev qalasynyń ákimi Ashat Berdihanovtyń atynan bázbireýler WhatsApp jelisinde habarlamalar taratyp jatqany anyqtaldy. Mundaı habarlardy ınternet-alaıaqtar jiberedi. Qonaev qalasy turǵyndarynan jalǵan aqparatqa senip, beıtanys nómirge aqsha jibermeýlerin jáne joldanǵan siltemelerge ótpeýin suraımyz! Saq bolyńyzdar!», dep habarlady ákimdiktiń baspasóz qyzmeti.
Sondaı-aq elde alaıaqtar sot oryndaýshysy retinde kórinip, azamattardan qaryzdy qaıtarýdy talap etetin alaıaqtyq faktileri, UQK qyzmetkerleriniń atyn jamylǵan telefon alaıaqtarymen baılanysty oqıǵalar jıilep ketti.
Qyrmyzy JUMAǴALIQYZY,
EUÝ stýdenti