Astanada Bıshimbaevty ustaǵan eki polısııa qyzmetkeri qatań sógis aldy. Bul týraly Ishki ister mınıstrliginiń baspasóz qyzmeti habarlady, dep jazady Egemen.kz.
«QQR «Quqyq qorǵaý qyzmeti týraly» Zańynyń 19, 56-57-baptaryna, sondaı-aq qyzmettik tártipti buzǵany úshin tártiptik komıssııanyń sheshimine sáıkes Patrýldik polısııa polki qyzmetiniń ınspektoryna sógis jarııalandy. Qazaqstan Respýblıkasy ÁQBtK-niń 434-2-babynyń talaptaryn buzǵany úshin (Qoǵamdyq oryndardy lastaý) Astana qalasy IIB Esil aýdanynyń jedel ýákiline qatań sógis jarııalandy», dep habarlady vedomstvodan.
9 sáýir kúni ótken sot otyrysynda Qýandyq Bıshimbaevty ustaǵan polısııa qyzmetkerleri beınelengen vıdeo kórsetildi. Kóshedegi polıseıler kúdiktiniń qol kisenin sheship, temeki bergen. Polısııa bólimshesine jóneltý kezinde sottalýshymen áńgimelesý barysynda tártip saqshylarynyń biri «Ol ózi mazańdy alǵan shyǵar?» dep suraǵan. Osy áńgimeniń barlyǵy vıdeoǵa túsip qalǵan.
Eske salaıyq, Qýandyq Bıshimbaev óziniń azamattyq nekedegi áıeli Saltanat Núkenovany óltirip, azaptaǵany úshin 24 jylǵa bas bostandyǵynan aıyrylǵan.
Altynaı ABDYSh,
EUÝ stýdenti