Akademııalyq tájirıbe

NU oqytýshylary eli­mizdiń óńirlerindegi 30 jo­ǵary oqý orny ókil­deri­men, joǵary bilim berý sa­lasyndaǵy 70-ten astam basqarýshymen PhD baǵ­dar­lamalaryn basqarý, zert­teý jumystary boıyn­sha usynystar daıyndaý jáne kásibı turǵydan da­mý tájirıbelerimen bó­lis­ti. Tyńdaýshylar pikir­talas­tarǵa, praktıkalyq sabaq­tarǵa qatysyp, ýnıversı­tet kitaphanasyna ekskýrsııa jasady. Semınar jumysyn asha otyryp, Ǵylym jáne joǵa­ry bilim salasyndaǵy sapany qamtamasyz etý komı­teti tóraǵasynyń orynbasary Ǵanı Esenbaev NU-dyń PhD daıarlaýdaǵy oń tájirıbesin atap ótti.

«О́zderińiz biletindeı, biz ǵylymı kadrlardy – ǵy­lym kandıdattaryn, dok­torlaryn daıarlaýdyń dás­túrli júıesinen PhD daıar­­laýǵa kóshtik. Áli kún­ge deıin bizge jańa júıe bo­ıynsha kóptegen suraq ke­lip túsýde, kópshilikke tú­siniksiz bolyp otyr. Sol se­bepti osyndaı semınar ót­kizemiz dep sheshtik. Osy ýaqyt ishinde NU PhD daıarlaýda jaqsy tájirıbe jınady dep aıta alamyz. Son­dyqtan semınardy uıym­dastyrý jumystaryn ýnı­versıtetke tapsyrdyq. Úsh kún ishinde NU sizdermen sátti tájirıbesimen bóli­sedi dep úmittenemiz», dedi Ǵ.Esenbaev.

О́z kezeginde NU-dyń dıplomnan keıingi baǵ­dar­­lamalar jónindegi qaýym­dastyrylǵan provosty doktor Lýıs Rohas-Solorzano dok­toranttardy daıarlaý bo­ıynsha keıbir málimetter­men bólisti. «NU qurylǵan­nan beri 13 jyl ishinde 108 PhD dárejesi be­ril­di, buǵan bıylǵy úmitker­ler sany kirmeıdi. Onyń 47-si ǵylym, ınjenerııa jáne ­tehnolo­gııa calasyndaǵy fıloso­fııa doktory dárejesin alyp, al 35-i bilim berý salasyn­da fılosofııa doktory atan­dy. Dıplom berý rásimi jy­ly­na úsh ret ótedi, maýsym aıyn­da taǵy bir lek marapattal­maq», dedi ol.

Semınardyń birinshi kúni PhD baǵdarlamalaryn basqarýdyń negizgi aspek­ti­lerine arnaldy. Oqytýshy­lar NU joǵary oqý ornynan keıingi baǵdarlamalary úshin oqý josparlary men kýrstardy ázirleý týraly aıtyp, akademııalyq jazý jáne zertteý ádisteri taqyry­byn qozǵady, biliktilik emtıhany boıynsha baǵalaý jáne taldaý krıterııle­rin talqyla­dy. Ári qaraı aqparattyq sessııa ótti, onda Provost keńsesi basqa joǵary oqý oryndarynyń doktoranttary úshin taǵylymdamalar týraly aıtty. Semınardyń ekinshi kúni dıssertasııalyq zertteýlerdiń negizdemele­rin daıyndaý máselelerine arnaldy. Tyńdaýshylar­ǵa PhD zertteýlerine arnal­ǵan ja­rııalanymdar men stra­tegııalarǵa qoıylatyn talaptar týraly aıtyldy. Maqala jarııalaýǵa jaq­sy jýrnaldardy tań­daý, olardy daıyndaýǵa jáne usynýǵa kómektesý, ǵy­lymı eńbekterdiń stra­tegııa­syn anyqtaýda ǵy­ly­­mı jetekshiniń róli sııaq­ty máselelerge erekshe na­zar aýdaryldy. Ári qa­raı NU oqytýshylary dıs­ser­tasııany jazý jáne qor­ǵaý taqyrybyna toly­ǵy­raq toqtaldy. Semı­nar baǵ­darlamasy NU kitapha­na­synyń qyzmetkerleri júr­gizgen aqparattyq sessııa­men aıaqtaldy, olar jo­ǵary oqý ornynan keıingi baǵ­darlamalarda bilim alý­shy­larǵa kitaphananyń qalaı kómektese alatyny týraly aıtyp berdi.

«Men bul semınarǵa arnaıy jazyldym, sebebi doktoranttardy daıarlaý má­seleleri – barlyq otandyq joǵary oqý orny úshin, so­nyń ishinde bizdiń ýnıversıtet úshin de óte mańyzdy másele. Úsh kún ishinde NU jáne halyq­aralyq ǵyly­­mı keńistik jaǵ­­­daıynda PhD ­daıarlaý júıesimen ta­nystyq. Shaqyrylǵan spıkerler óz elderindegi PhD ­daıarlaý júıesi týraly aıtyp berdi. Biz úshin bul – bire­geı tá­jirıbe, sebebi Qazaqstan­da jáne shetelde doktorant­tardy daıarlaý júıesi tú­begeıli erekshelenedi», deı­di E.A.Bóketov atyndaǵy Qa­raǵandy ýnıversıteti She­tel til­deri fakýltetiniń de­kany Gúlnaz Tileýjanova se­mınardan alǵan áser­leri­men bólisti.