Búgin Bangkok rıngine eki boksshymyz kóteriledi. Olar: Muhammedsabyr Bazarbaıuly (63,5 kg) jáne Uljan Sársenbek (54 kg), dep jazady Egemen.kz.
Bokstan 63, 5 kg salmaq dárejesinde Qazaqstan qorjyny ázirge bos. Osy olqylyqtyń ornyn ekinshi ret toltyrýǵa Muhammedsabyr Bazarbaıuly Bangkokke attanǵan edi. Ol búgin túrik boksshysy Mızan Aıkólge qarsy sharshy alańǵa shyǵady.
Bul jekpe-jek 28 mamyr Qazaqstan ýaqytymen 11:45-te ótedi dep josparlanǵan. El boksshysy lısenzııalyq týrnırdiń birinshi aınalymynda fılıppın boksshysynan basym tústi.
Al 54 kg salmaq dárejesinde Parıj joldamasy jolynda Uljan Sársenbek Bangkok rınginde birinshi ret judyryqtasady. Onyń qarsylasy amerıkalyq Shera Meı Patrısıo. Bylǵary qolǵap sheberleriniń bul aıqasy 28 mamyr 16: 45-ke belgilengen.
Jekpe-jekterdi tikeleı efırde Qazaqstan boks federasııasynyń Instagram-daǵy resmı paraqshasynan tamashalaýǵa bolady.