Úkimet otyrysynda Premer-mınıstrdiń orynbasary Qanat Bozymbaev sý tasqynynan keıin qansha otbasy birjolǵy aqshalaı ótemaqy alǵanyn aıtty, dep habarlaıdy Egemen.kz.
Qanat Bozymbaev búginde keltirilgen shyǵynnyń ornyn toltyrý algorıtmine sáıkes óńirlerde josparly is-sharalardyń júrgizilip jatqanyn atap ótti.
«Osy jyldyń 28 mamyryndaǵy jaǵdaı boıynsha respýblıka boıynsha 30 538 otbasy 100 AEK (2024 jyly 369 200 teńge) kóleminde birjolǵy járdemaqy aldy. Jumys baqylaýǵa alynyp, qajetti sharalar qabyldanýda. Negizgi másele turǵyn úıdi qalpyna keltirýmen baılanysty, sondyqtan oblys ákimderi bul máseleni erekshe baqylaýǵa alyp, turǵyndarmen kúndelikti jumys júrgizip, týyndaǵan árbir másele boıynsha túsindirme jumystaryn júrgizýi qajet», dedi ol.
Qazirgi tańda elimizde qarǵyn sýdyń saldarynan shamamen 12 155 úı, sondaı-aq 18 320-dan astam saıajaı zardap shekti, onyń ishinde 5 353 ǵımarat zardap shekkenderdiń jalǵyz baspanasy ekeni belgili boldy.
Qyrmyzy JUMAǴALIQYZY,
EUÝ stýdenti