Taıland astanasy Bangkokte bokstan Parıj olımpıadasynyń sońǵy joldamalary sarapqa salynyp jatyr. Osy synda 63,5 kg salmaq dárejesinde baq synap jatqan Muhammedsabyr Bazarbaıuly ekinshi kezdesýin ótkizdi, dep jazady Egemen.kz.
Halyqaralyq týrnırdiń ekinshi satysynda Muhammedsabyr Bazarbaıuly túrik boksshysy Mızan Aıkólge qarsy sharshy alańǵa shyqty.
Ańdysyp otyrmaı, birden shabýylǵa kóshken tartysty básekede Muhammedsabyr Bazarbaıuly jeńiske jetti. (5:0)
Onyń kelesi qarsylasy - ıtalııalyq boksshy. Bul jekpe-jek erteń, 29 mamyrda ótedi.