Bokstan Qazaqstan erler quramasy Parıj Olımpıadasyna tolyq quramda barady. Komanda sapyn ekinshi múmkindiginde Muhammedsabyr Bazarbaıuly tolyqtyrdy, dep jazady Egemen.kz.
Bokstan Taıland astanasy Bangkokte ótip jatqan sońǵy lısenzııalyq týrnırde Qazaqstan quramasy 3 joldama jeńip aldy.
21 jastaǵy Muhammedsabyr Bazarbaıuly sheshýshi kezeńde moldovalyq Aleksandrý Paraschıvten basym tústi. Qorytyndy esep 5:0.
Osylaısha, otandasymyz 63,5 kelidegi Parıj Olımpıadasynda júldege talasady.
Aıta keteıik, buǵan deıin Valentınova Halzova (75 kg) men Nazym Qyzaıbaı (50 kg) Taıland tórinde joldamaǵa qol jetkizgen edi.