Aýyl sharýashylyǵyna qajet quraldar shyǵarady

Jergilikti turǵyn Nurjan Omarov jetekshilik etetin kásiporynda óndiriletin zattar sharýalar arasynda suranysqa ıe bolyp otyr. Sonymen qatar, byltyr tamshylatyp sýǵarýǵa arnalǵan zattar óndirisi de qolǵa alynǵan. Bul joba kásipkerlerdiń Qytaı memleketine sapary nátıjesinde júzege asqan. Tamshylatyp sýarý tehnologııasyn shyǵaratyn kásiporynnyń jobalyq qýaty – saǵatyna 12 myń metr. Jalpy quny – 100 mln teńge. Kásiporyndy jeke kásipker óz qara­jaty esebinen ashqan. Jıyrma adamdy turaqty jumyspen qamtyp otyrǵan sehta jumysshylardyń ortasha jalaqysy – 200 myń teńge.

Aıta keteıik, sehta jaramsyz polıetılen plenkalary, plastmassalar qaıta óńdeledi. О́tken jyldyń qorytyndysymen jalpy Keles aýdany boıynsha 3 900 tonna qoqys jınaqtalyp, onyń 741 tonnasy, ıaǵnı 19%-y qaıta óńdeýge baǵyttaldy.

О́ńirde aýyl sharýashylyǵyn damytýǵa, ónimdi tereń óńdeýge, jergilikti turǵyndardy jumys­pen qamtýǵa baǵyttalǵan kásip­oryn­dar kóp. Olardyń qataryn kóbeıte túsý maqsatynda qol­ǵa alynǵan mańyzdy ınves­tısııalyq jobalardyń ınfra­qu­ry­lymyna ákimdik tarapynan turaqty qol­daý kórsetilip jatyr. Mysaly, So­zaq aýdanyn­da­ǵy kúkirt qysh­qy­lyn óndirý zaýyty jáne 2 kezeńnen turatyn ýrandy qaıta óńdeý kesheniniń qurylysy aıaqtalǵan soń 700-deı jumys orny ashylady. Shardara aýda­nynd­a júgeri dán­derin tereń óń­deý zaýytyn «Kazkrahmal» JShS iske asyryp jatyr. Jer­gi­likti bıýdjetten syrtqy ın­fra­­qurylymdy júrgizýge 200 mln teńge bólindi. Joba tolyq iske qosylsa, 500 jumys orny ashylmaq. «Beibars-Bottlers» JShS Túlkibas aýdanynda aýyzsý jáne túrli tústi sýsyn óndirý zaýytyn salyp jatyr. Munda 96 adam jumyspen qamtylady. Tólebı aýdanynda logıs­tıkalyq ortalyq salý jáne júk tasymaldaryn uıym­­­dastyrý jobasyn «Mono­t­rans» JShS júzege asyrýda, ol jerde 190 adam jumys is­teı­­tin bolady. Aýdanda bıyl ashy­latyn «Kazplast» JShS-nyń tigin fabrıkasy 150 adamdy jumyspen qamtıdy. Ken­taý qa­la­synda ónerkásipke arnalǵan metall konstrýksııalary, metall buıymdaryn shyǵaratyn zaýyt qurylysy aıaqtalǵanda 80 ju­mys orny ashylady. Túrkistan qa­la­syn­daǵy «Turkistan» arna­ıy eko­no­mıkalyq aýmaǵynda polı­mer­li qubyrlardy, plastmas­sa­­dan jasalǵan buıymdardy shy­ǵaratyn iri-toraptyq zaýyt iske qosylsa 80 jumys orny qury­lady.

Saýran aýdanynda qatty tur­mys­tyq qaldyqtardy qaı­ta óńdeý óndiristik keshe­niniń qurylysy aıaqtalyp, paıda­la­nýǵa berý aktisin alý boıyn­sha jumys júrgizilip jatyr. Arys qalasynda temirjol va­gondaryn jóndeý jobasyn iske qosý 2024 jyldyń ekinshi jar­ty­jyldyǵynda jos­par­lan­ǵan. 50 jumys orny qurylady. Túlkibas aýdanynda qýattylyǵy jylyna 5 000 tonna jemis óńdeý sehyn «Túlkibas Jemis Jıdekteri» AО́K iske asyrady. Saıram aýdanynda maqsary maıyn shyǵaratyn zaýyt, etti qaıta óńdeý, mal soıý sehy jáne bordaqylaý alańy, arnaıy tehnıkalardy, shanaqtardy qurastyrý zaýyty salynsa, Qazy­ǵurtta sement zaýytynyń qury­lysy júrip jatyr.

Túrkistan ındýstrıaldyq aı­ma­ǵynda ornalasqan óndiristik ǵıma­rattar qurylysy aıaqtalyp, tolyqtaı iske qosyldy. Atalǵan óndiristik ǵımarattarda jıhaz jáne shulyq sehtary joba­la­ry júzege asyrylǵan. Inves­tı­sııalyq jobalardy arttyrý maqsatynda oblysta shaǵyn jáne orta kásipkerlikti damytýǵa baǵyttalǵan óndiristik parktiń qurylysy júrip jatyr. Jalpy, kólemi 66 myń myń sharshy metr bolatyn, 30 gektar jerde or­nalasqan aımaqta 42 ǵımarat ornalasady. О́ndiristik parktiń quny – 13 mlrd teńge. Qosymsha 70 gektar jer telimi anyqtalyp, ulǵaıtý josparlanyp otyr.

«Túrkistan» áleýmettik ká­sip­­kerlik korporasııasy bas­qarma tóraǵasy Faızýlla Baı­dýl­laevtyń baıandaýynsha, jum­salǵan bıýdjettik 1 teńgege 7 teńge ınvestısııa tartý kútilip otyr. Qurylys 3 kezeńmen júzege asy­rylady. Birinshi kezeńge tartylatyn ınvestısııa kólemi – 31 mlrd teńge. 500 jańa jumys orny ashylady. О́ndiristik parkter aýmaǵynda ákimshilik ǵımaratyn salý da josparda bar. Ǵımaratta park qatysýshylary óndirgen ónimderiniń kórme zaly uıym­dastyrylady. Ártúrli kó­lem­­degi óndiristik kompanııa­lardy tartý arqyly olardyń ózara árekettesýi negizinde úıle­simdi óndiristik orta qurý maq­sa­tyn­da­ǵy joba kezeń-kezeńimen júzege asyrylady.

Oblys ákimdiginiń málimetine qaraǵanda, alda taǵy 32 ǵımarat salynady. О́ndiris aımaǵyna tartylatyn jeke ınvestısııa kólemi – 98 mlrd teńge. О́ndiristik park tolyǵymen iske qosylǵan soń 2 000-nan astam turaqty jumys orny ashylmaq. Onyń aýmaǵynda «BNK Group» JShS sý únemdeý tehnologııasyn engizip, jańbyrlatyp sýarý jáne tamshylatyp sýarý júıelerin shyǵa­ra­tyn kásiporyn jumysyn bastady. Sondaı-aq «Aqniet Holding» JShS mektepke arnalǵan jáne medısınalyq jıhazdar shyǵa­ryp jatyr. Munda ýkraı­na­lyq «UBC Group» kompanııasy óner­kásiptik tońazytqysh jasaıdy. Medısınalyq ónimder, ból­me­ara­lyq esikter jáne taǵy basqa ónimderdi shyǵaratyn ká­sip­­­oryn­dar da jumysyn bas­taǵan.

Sondaı-aq óndiristik park­terdi aýdandarda salý jospar­lan­ǵan. Atap aıtqanda, Ordabasy aýdanyndaǵy Badam ındýstrıaldy aımaǵynda ınfraqurylym tartylǵan 12 ǵımarat salynbaq. Shubar aýyly mańynda da salý josparda bar. Saıram aýda­nyn­da­ǵy óndiristik park kólemi 90 gektardan asady.

Túrkistan oblysy