Májilis oıyn bıznesi, lotereıa jáne lotereıa qyzmeti máseleleri boıynsha zańdy Ákimshilik quqyq buzýshylyq týraly kodekske engiziletin ilespe túzetýlerimen ekinshi oqylymda qabyldady, dep jazady Egemen.kz.
Túzetýge sáıkes endi eldegi memlekettik qyzmetkerler men áskerılerge qumar oıyndarǵa qatysýǵa jáne bás tigýge tyıym salynady.
Májilistiń málimetinshe, atalǵan tulǵalardyń qataryna 21 jasqa tolmaǵan azamattar, oıyn jáne bás tigýge qatysýy shektelgen, onyń ishinde ózin-ózi shektegen (6 aıdan 10 jylǵa deıin), sondaı-aq boryshkerlerdiń biryńǵaı tiziliminde qaryzy bar azamattar da bar.
Olar tyıymdy buzǵan jaǵdaıda jumystan bosatylady.
«Zańdy tulǵalardyń qumar oıyndarǵa qatysýyna alǵashqy úsh sanatqa ruqsat bergeni úshin ákimshilik jaýapkershilik belgilengen. Bul jaǵdaıda orta kásipkerlik sýbektilerine 300 AEK, iri kásipkerlik sýbektilerine 1000 AEK kóleminde aıyppul salynady. Qaıtalap jasalǵan quqyq buzýshylyq úshin – lısenzııanyń qoldanylýyn toqtata turý jazasy qarastyrylǵan», delingen Májilistiń baspasóz qyzmeti taratqan habarlamada.