Bul týraly Úkimettiń baspasóz qyzmetinen málim boldy, dep habarlaıdy Egemen.kz.
Habarlamada: «Qazaqstan Respýblıkasy Úkimetiniń qaýlysymen Oljas Seıtbattaluly Anafın eńbek jáne halyqty áleýmettik qorǵaý vıse-mınıstri qyzmetine taǵaıyndaldy», delingen.
1986 jyly dúnıege kelgen. Soltústik Qazaqstan memlekettik ýnıversıtetin, Qazaq ınjenerlik-tehnıkalyq akademııasyn támamdaǵan.
Eńbek jolyn 2007 jyly Zeınetaqy tóleý jónindegi memlekettik ortalyq mamany bolyp bastaǵan. 2015-2016 jyldary – atalǵan ortalyqtyń bólim basshysy.
2016-2020 jyldary – Eńbek jáne halyqty áleýmettik qorǵaý mınıstrligi Eńbek resýrstaryn damytý ortalyǵynyń basqarma basshysy, basqarýshy dırektory. 2020 jyldan bastap qazirgi ýaqytqa deıin – atalǵan vedomstvonyń Eńbek resýrstaryn damytý ortalyǵynyń vıse-prezıdenti qyzmetin atqardy.