BQO ákiminiń ókimimen Madııar Amangeldiuly О́teshev Batys Qazaqstan oblysy densaýlyq saqtaý basqarmasynyń basshysy bolyp taǵaıyndaldy, dep habarlaıdy Egemen.kz.
Madııar Amangeldiuly 1977 jyly Batys Qazaqstan oblysynda dúnıege kelgen.
M.Ospanov atyndaǵy Batys Qazaqstan memlekettik ýnıversıtetinde dáriger-hırýrg mamandyǵy boıynsha ınternatýradan ótken, isker ákimshilik basqarýdyń magıstri dárejesi bar.
Alǵashqy eńbek jolyn 2004 jyly Jalpaqtal aýrýhanasynyń dáriger-hırýrgi bolyp bastady. 2005-2011 jyldary Terekti aýdandyq ortalyqtandyrylǵan aýrýhanasynyń hırýrgi qyzmetin atqardy.
2011-2017 jyldary Terekti aýdandyq ortalyqtandyrylǵan aýrýhanasynyń dırektory boldy.
2017-2019 jyldary Atyraý oblysy densaýlyq saqtaý basqarmasy basshysynyń orynbasary laýazymyn atqardy.
2019 jyldan búginge deıin oblystyq jedel medısına járdem stansııalary dırektory qyzmetin atqaryp keldi.
Qyrmyzy JUMAǴALIQYZY,
EUÝ stýdenti