Sıfrlyq qujattardyń qatary negizgi orta jáne jalpy orta bilim týraly attestatpen tolyqty. Ol endi eGovMobile mobıldi qosymshasyndaǵy «Bilim» jańa qyzmet kórsetý servısinde qoljetimdi, dep habarlaıdy Egemen.kz.
Oqý-aǵartý mınıstrliginiń málimetinshe osy jyldan bastap mektep túlekteri attestattaryn sıfrlyq nusqada ala bastaıdy.
«Attestatty alý úshin eGovMobile mobıldi qosymshasyndaǵy «Bilim» servısine ótý kerek. Munda «Meniń balalarym» bóliminde ata-analar men zańdy ókilderi úshin kámeletke tolmaǵan balalardyń qujattary qoljetimdi bolady», deıdi sıfrlandyrý departamenti dırektorynyń mindetin atqarýshy Maıra Maralbaeva.Esterińizge sala keteıik, osydan bir aı buryn Oqý-aǵartý mınıstrligi eGovMobile mobıldi qosymshasynda «Bilim» jańa servısin iske qosqan bolatyn. Munda bilim týraly málimetter, sıfrlyq qujattar berilgen birneshe bólim bar. Al bir jyl buryn qosymshada kolledj dıplomdary QR-kodpen berile bastady.