Shıpajaıy kóp Saryaǵash aýdanyna kelýshiler qatary jyl boıy úzilmeıdi, al jazda kóbeıe túsedi. О́ńirdegi 75 shıpajaıdyń 60-sy osy aýdanda. Em alýǵa, demalýǵa kelýshiler shıpajaıdan bólek aýdan ortalyǵynda bolyp, kórikti jerlerin aralaýdy qalaıtyny anyq. Tazalyqqa úles qosýdy týǵan jerge degen qamqorlyq dep esepteıtin jergilikti turǵyndardyń qonaq aldynda uıatqa qalǵysy joq. Qonaqqa barý da, kútý de – mádenıet. Iаǵnı týra maǵynasynda taza ortany kórgen qonaq kútýshiniń mádenı deńgeıin de baǵalaıtyny málim.
Bul oraıda shıpajaı aýmaǵynda ǵana emes, búkil aýdanda qorshaǵan ortanyń ekologııalyq tazalyǵyn saqtaý maqsatynda senbilik jumystary únemi júrgizilip keledi. Eń bastysy, turǵyndar tazalyqqa densaýlyq kepili retinde qaraıdy. Senbilikke qala jáne aýyldyq okrýgi ákimdikteri, bıýdjettik mekemeler qyzmetkerleri jáne aýyl turǵyndary atsalysyp júr. Jýyrda respýblıkalyq, oblystyq mańyzy bar avtojoldyń, ishki kóshelerdiń boıynda jınaqtalǵan, beı-bereket tastalǵan kúl-qoqystardy tazalaý, shóp orý, mekeme aýlalaryndaǵy aǵashtardy ákteý jumystary júrgizildi. О́zi turatyn úıdiń aýlasyn taza ustaý arqyly da ıgi iske úles qosyp júrgen turǵyndar tazalyq janarshylyqtan bastalatynyn, ekologııalyq mádenıet osyndaı is arqyly qalyptasatynyn aıtady.
Al Arys qalasynda Arbat demalys aýmaǵynda oryndyqtardy syrlaý, buzylǵandaryn retke keltirý, aǵashtardy sýaryp, aramshópterin shabý jumysy júrgizildi. «Temirjolshylar» saıabaǵy aýmaǵynan qoqys jınalyp, polıgonǵa shyǵaryldy. Sáýirde bastalǵan tazalyq naýqany Saıram aýdanynda da júıeli túrde júrgizilip keledi. Aýdan aýmaǵynda ótkizilgen 70-ten astam senbilikke jalpy 135 000 adam jáne 267 tehnıka jumyldyryldy. Nátıjesinde, 5 012 tonna kúl-qoqys qatty turmystyq qaldyqtar tastaıtyn polıgon aýmaqtaryna shyǵaryldy. Senbilik barysynda 753 shaqyrym oblystyq, aýdandyq mańyzy bar joldar men ishki kósheler, 52 shaqyrym aıaqjol, 98 shaqyrym ırrıgasııalyq júıeleri men aryq-atyzdar kúl-qoqystardan tazalandy. Budan bólek, 16 saıabaq pen skver, 33 aıaldama, 42 sport jáne balalar alańshalary men 12 strıt-vorkaýttar syrlanyp, qalpyna keltirildi. Túrkistan oblysynyń tabıǵı resýrstar jáne tabıǵat paıdalanýdy retteý basqarmasyna qarasty «Jasyl aımaq» KMM tarapynan berilgen 23 200 túp kóshet jol jıekterine, ózen jaǵalaýyna, demalys aýmaqtaryna otyrǵyzyldy. Sonymen qatar demeýshiler esebinen berilgen 2000 aǵash jáne gúl kóshetteri egildi.
Túrkistan oblysy