ShQO Tarbaǵataı aýdanynda aýdandyq sotta úsh jyldan beri sýdıanyń orny bos tur. Bul týraly Májiliste ótken jıynda Joǵary sot keńesiniń tóraǵasy Denıs Shıpp málimdedi, dep habarlaıdy Egemen.kz.
Denıs Shıpp búginde elimizdiń sot júıesinde 350-den astam bos jumys orny bar ekenin atap ótti.
«Bizdiń oıymyzsha, zańǵa engizilgen túzetýler bos sýdıa qyzmetiniń ornyna maman tartýǵa múmkindik beredi. Mysaly, Shyǵys Qazaqstan oblysy Tarbaǵataı aýdandyq sotynda sýdıanyń orny 3 jyldan beri bos tur. Onda baryp, jumys istegisi keletinder joq», dedi Joǵary sot kenesiniń tóraǵasy.
Búginde sotta sýdıa bolýy úshin tómendegideı talaptar qoıylady:
30 jasqa tolǵan; Joǵary zań bilim men 5 jyldyq jumys ótili; Biliktilik emtıhan tapsyrǵan; Medısınalyq kýálandyrýdan ótken.
Qyrmyzy JUMAǴALIQYZY,
EUÝ stýdenti