Aqsý qalasynda prokýrorlar 500 mln teńgeni quraıtyn zań buzýshylyqty anyqtady, dep habarlaıdy Egemen.kz.
«Aqsý qalasynda prokýrorlar «Aýyl – El besigi» memlekettik baǵdarlamasy aıasynda salynyp jatqan nysandar úshin qurylys bólimimen negizsiz 500 mıllıon teńge aýdarylǵanyn anyqtady», dep habarlady Pavlodar oblysynyń prokýratýrasy.
Tapsyrys berýshi 5 dene shynyqtyrý-saýyqtyrý keshenin salyp jatqan merdigerlerdiń jumysyna aldyn ala tólem jasaǵan. Al qazir qurylys jospardan bes aıǵa keshigip jatqany anyqtaldy.
«Qadaǵalaý aktisi boıynsha Aqsý qalasynyń ákimdigi artyq tólengen bıýdjet qarajatyn qaıtarý boıynsha talap-aryz jumystaryn júrgizip jatyr, búgingi tańda 60 mln teńge memleketke qaıtaryldy», dep naqtylady prokýratýra.
Atalǵan zań buzýshylyqtar úshin Aqsý qalasy ákiminiń orynbasary tártiptik jazaǵa tartyldy, al Ádep jónindegi keńes qurylys bóliminiń basshysyn «memlekettik qyzmettiń bedelin túsiretin tártiptik teris qylyq jasaǵany úshin» qyzmetinen bosatýdy usyndy.
Qyrmyzy JUMAǴALIQYZY,
EUÝ stýdenti