Senat Tóraǵasy Máýlen Áshimbaev Palatanyń bir top depýtatymen birge Transfýzıologııa ǵylymı-óndiristik ortalyǵyna bardy, dep habarlaıdy Egemen.kz Joǵarǵy Palatanyń baspasóz qyzmetine silteme jasap.
Qazirgi ýaqytta atalǵan Ortalyq – qan qyzmeti boıynsha elimizdegi jetekshi medısınalyq uıym, halyqqa shuǵyl jáne joǵary mamandandyrylǵan medısınalyq kómek kórsetý kezinde transfýzııalyq terapııanyń qoljetimdiligi men sapasyn qamtamasyz etedi.
Máýlen Áshimbaev mekeme ujymymen kezdesýde Transfýzıologııa ortalyǵy – Qazaqstandaǵy qan qyzmetiniń flagmany, ulttyq densaýlyq saqtaý júıesiniń transfýzııalyq terapııanyń qaýipsizdigi men qoljetimdiligin qamtamasyz etetin mańyzdy tetigi ekenin aıtty.
Statıstıkaǵa sáıkes, sońǵy bes jylda donorlar sany 14,4 paıyzǵa, al qan quıý kórsetkishi 13,6 paıyzǵa artqan. Jyl saıyn 380 myńnan astam qan quıý júrgiziledi jáne 100 myńǵa jýyq pasıent ómirlik mańyzdy donorlyq qan ónimderin alady.
El Prezıdenti júktegen mindetterdi iske asyrý sheńberinde densaýlyq saqtaý júıesin jetildirýge jáne atalǵan baǵyttaǵy ózekti máselelerdi sheshýge arnalǵan naqty sharalar qabyldanyp jatqany belgili.
«Prezıdentimizdiń bastamasymen densaýlyq saqtaý salasynda keshendi reformalar júıeli túrde júzege asyrylyp jatyr. Taıaýda medısına qyzmetkerleriniń mártebesin kóterý, olardyń eńbek jaǵdaıyn jaqsartý jáne quqyqtaryn qorǵaýdy kózdeıtin tıisti zań qabyldandy. Osyndaı naqty qadamdar Transfýzıologııa ortalyǵynyń da qyzmetine oń áserin tıgizedi dep senemiz. Senat óz tarapynan otandyq medısınany damytý isine zańnamalyq turǵydan qoldaý kórsetýdi jalǵastyra beredi. Adam densaýlyǵyn saqtaý jolyndaǵy belsendi qyzmetterińiz úshin sizderge zor alǵysymyzdy bildiremiz», deı kele Máýlen Áshimbaev Ortalyq ujymyn kele jatqan kásibı merekelerimen quttyqtady.